ރާއްޖެ އާއި އިންޑޮނޭޝިއާ އާއި ދެމެދު އޮންނަ ގުޅުން އިތުރަށް ބަދަހިކުރުއްވުމަށް އުއްމީދު ކުރައްވާ ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެ އެވެ،

ރާއްޖެ އާއި އިންޑޮނޭޝިއާގެ ސިޔާސީ ގުޅުމަށް 50 އަހަރު ފުރުމުގެ މުނާސަބަތުގައި އިންޑޮނޭޝައާގެ ރައީސް ޖޯކޯ ވިޑޯޑޯއަށް ތަހުނިޔާއާއި ހެޔޮއެދުންތައް ފޮނުއްވަމުން އެމަނިކުފާނު ވަނީ ދެގައުމުގެ ދެމެދުގައި އޮތް ތާރީހީ ގުޅުން ފާހަގަކުރައްވައި މި މުނާސަބަތުގެ ހެޔޮއެދުންތައް އިންޑޮނޭޝިއާގެ ސަރުކާރާއި ރައްޔިތުންނަށް ފޮނުއްވާފައެވެ.

މީގެއިތުރުން، ދެ ގައުމުގެ ދެމެދުގައި އޮތް ގާތް ރަހުމަތްތެރި ގުޅުންތައް ވޭތުވެދިޔަ އަހަރުތަކުގައި އިތުރަށް ކުރިއަރައި ގޮސްފައިވާކަން ފާހަގަކުރައްވާ ރައީސް ވިދާޅުވީ އިންޑޮނޭޝިއާގެ ރައީސާއި އެގައުމުގެ ސަރުކާރާއި އެކުގައި މަސައްކަތްކުރައްވައި، ދެގައުމުގެ ރައްޔިތުންނަށް ފައިދާހުރި ކަންކަމުގައި ގުޅިގެން މަސައްކަތްކުރައްވަމުން ގެންދެވުމަށާއި ދެގައުމުގެ ދެމެދުގައި އޮންނަ ގާތް ރަހުމަތްތެރި ގުޅުންތައް އިތުރަށް ބަދަހިކުރެއްވުމަށް އުންމީދުކުރައްވާ ކަމަށެވެ.

Advertisement

ރައީސްގެ ސިޓީފުޅުގައި އިންޑޮނޭޝިއާގެ ރައީސަށް ފުރިހަމަ ސިއްހަތާއި ދުޅަހެޔޮކަމަށް އެދިވަޑައިގެން، އަދި އެ އެގައުމުގެ ރައްޔިތުންނަށް ކުރިއެރުމާއި ފާގަތިކަމަށް ވެސް ރައީސް ވަނީ އެދިވަޑައިގެންފަ އެވެ.