ރައްޔިތުންގެ މަޖިލީހުގެ ރައީސްގެ ރަސްމީ ގެކޮޅު މުރައިދޫގޭގެ ޑިރެކްޓާ ޖެނެރަލްގެ މަގާމަށް އަލީ އަޝްފާގަށް (ދަގަނޑޭ) އައްޔަންކޮށްފި އެވެ.

މިދިޔަ ޖުލައި މަހުގެ ފަހުކޮޅު މުރައިދޫގޭގެ ޑިރެކްޓަރު ޖެނެރަލްގެ މަގާމަށް އަޝްފާގު އައްޔަންކޮށްފައިވާ ކަމަށް ރައްޔިތުންގެ މަޖިލީހުގެ އިދާރާގެ ކޮމިއުނިކޭޝަންސް ޑިރެކްޓަރު ހަސަން ޒިޔާއު ވިދާޅުވި އެވެ.

އަޝްފާގު މުރައިދޫގޭ ޑިރެކްޓާ ޖެނެރަލްގެ މަގާމަށް އައްޔަންކޮށްފައިވާއިރު، އޭނާއަކީ ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ގެ ދަރިކަލުން އަދި ޓޫރިޒަމް މިނިސްޓަރު އިބްރާހީމް ފައިސަލްގެ ގާތް އެކުވެރިއެކެވެ.

Advertisement

ބެލެވޭ ގޮތުގައި މުރައިދޫގޭ ޑިރެކްޓަރު ޖެނެރަލްގެ ޒިންމާތަކުގެ ތެރޭގައި ހިމެނޭނީ އިދާރީ ހިންގުމާއި، ޕްރޮޓޮކޯލްގެ ކަންކަމާއި، ލޭޒަންގެ މަސައްކަތްތަކެވެ. ދަނގަޑޭގެ އިތުރުން ހުސްވި ޖުލައި މަހުގެ ފަހުކޮޅު ނޫސްވެރިޔާ އާދަމް ހަލީމް (މުންޑޫ) ވަނީ މުރައިދޫގެ ޗީފް އޮފް ސްޓާފްގެ މަގާމަށް އައްޔަން ކޮށްފައެވެ.