މާލޭގައި މިރޭ ދެ ސައިކަލު ޖެހި ހިނގި އެކްސިޑެންޓެއްގައި އަނިޔާވި މީހަކަށް އައިޖީއެމްއެޗްގައި ފަރުވާދޭން ފަށައިފިއެވެ.

ފުލުހުން ބުނީ މިރޭ 18:29 ހާއިރު މާފަންނު ބަސް ޓާމިނަލް ކައިރީ ދެ ސައިކަލު ޖެހި އެކްސިޑެންޓެއް ހިނގާފައިވާ މައްސަލަ ރިޕޯޓުކޮށްފައިވާ ކަމަށެވެ.

މި އެކްސިޑެންޓްގައި އަނިޔާވި މީހާ އައިޖީއެމްއެޗަށް ފަރުވާ ދިނުމަށް މިހާރު ގެންގޮސްފައިވާ ކަމަށް ފުލުހުން ބުނެ އެވެ. މި މައްސަލަ ފުލުހުން އަންނަނީ ތަހުގީގު ކުރަމުންނެވެ.

Advertisement

އެކްސިޑެންޓްތައް ހިނގުން މި ދުވަސްވަރު އިތުރުވެފައިވާއިރު، ދާދިފަހުން ހިނގި ދެ އެކްސިޑެންޓެއްގައި 2 ޒުވާނަކުވަނީ ނިޔާވެފައެވެ.

ނުރައްކާތެރި އެކްސިޑެންޓްތައް މަދުކުރުމަށް ބާރު ސްޕީޑްގައި ނުދުއްވުމަށާއި ޤަވާއިދާ އެއްގޮތަށް އެއްގަމު އުޅަނދު ދުއްވުމަށް ކަމާ ބެހޭ ފަރާތްތަކުން އަންނަނީ އިލްތިމާސްކުރައްވަމުންނެވެ. އަދި މިފަދަ ނުރައްކާތެރި އެކްސިޑެންޓްތައް މަދުކުރުމަށް ސަރުކާރުން ދާދިފަހުން ވަނީ ހަރުކަށި ފިޔަވަޅުޔަަކެއް އެޅުމަށްވެސް ނިންމަވާފައެވެ.