ގެސްޓްހައުސްއެއްގެ ކޮޓަރިއަކުން ޒަޚަމްތަކާއެކު އޮތް މީހަކު ފެނިއްޖެ އެވެ.

ފުލުހުން މަޢުލޫމާތު ދޭ ގޮތުގައި، އެ ސަރަހައްދަށް ފުލުހުން ގޮސް ހެންވޭރު ގެސްޓުހައުސްގެ ކޮޓަރިއެއްގައި އުޅޭ މީހެއްގެ ޚަބަރެއް ނުވާކަމަަށް ލިބުނު މައުލޫމާތަކާ ގުޅިގެންނެވެ.

ފުލުހުން އެ ކޮޓަރިއަށް ވަދެ ބެލިއިރު، ޒަޚަމްތަކާއެކު އޮތް މީހަކު ފެނިފައިވާ ކަމަށާއި، އެއީ އުމުރުން 27 އަހަރުގެ ދިވެހި ފިރިހެނެއްކަމަށް ފުލުހުން ބުނެފައިވެއެވެ. އަދި މިހާރު އޭނާ ވަނީ ފަރުވާ ދިނުމަށް އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ގެންގޮސްފައި ކަމަށް ފުލުހުން ބުނެއެވެ. އަދި އޭނާ އަށް ފަރުވާ ދެމުން ދަނީ އައިސީޔޫގައި ކަމަށް ފުލުހުންނަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުނެއެވެ.

Advertisement

ފުލުހުން ދަނީ ހާދިސާ ހިނގި ސަރަހައްދުގައި ހަރަކާތްތެރިވަމުންނެވެ.