ހުޅުމާލޭ ދެވަނަ ފިޔަވަހީގައި އެމްޓީސީސީ އާރުޓީއެލް ދެ ބަސް ޖެހި އެކްސިޑެންޓެއް ހިނގައިފި އެވެ.

ފުލުހުން ބުނީ ވިނަރެސް ފުލެޓުތައް ކައިރީ އެމްޓީސީސީގެ ދެބަސް ޖެހިގެން އެކްސިޑެންޓެއް ހިނގާފައިވާ ކަމުގެ ރިޕޯޓު ލިބިފައިވާ ކަމަށެވެ. މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށް ފުލުހުން ބުނެ އެވެ.

އެ ހާދިސާ ހިނގަން މެދުވެރިވި ސަބަބެއް މިހާތަނަށް އެނގިފައެއް ނުވެ އެވެ.

Advertisement

ގިނަ އެކްސިޑެންޓްތަކެއް މާލެ ސަރަހައްދުގައި ހިނގަމުން އަންނައިރު ފާއިތުވި 6 މަސް ދުވަހުގެ ތެރޭގައި 1907 އެކްސިޑެންޓެއްގެ މައްސަލަ ވަނީ ރިޕޯޓްކޮށްފައެވެ.

އެކްސިޑެންޓުތައް އިތުރުވުމާ ގުޅިގެން މަގުމަތީގެ ރައްކާތެރިކަމާއި ސަލާމަތްތެރިކަން ކަށަވަރުކުރަން ފުލުހުން ވަނީ މަގުތަކަށް ނިކުމެފަ އެވެ.