ޚިދުމަތުން ރިޓަޔަރ ވާންޖެހޭ ފަރާތްތަކާއި، ދާއިމީ ވަޒީފާއަށް ނިކުތުމަށް އުޒުރުވެރިވާ ފަންނީ އަދި އިދާރީ ޚިދުމަތްތެރިންގެ ދަފުތަރެއް އެކުލަވާލަން ނިންމާފައިވާތީ އޭގައި ރަޖިސްޓްރީވުމުގެ ފުރުސަތު ހަޔަ އެޑިއުކޭޝަން މިނިސްޓްރީން ހުޅުވާލައިފި އެވެ.

މި ދަފުތަރަކީ ޚިދުމަތުން ދުރަށްދާންޖެހިފައިވާ ޚިދުމަތްތެރިންނާއި، ދާއިމީ ވަޒީފާއަށް ނިކުތުމަށް އުޒުރުވެރިވާ ފަންނީ އަދި އިދާރީ ޚިދުމަތްތެރިން އަނބުރާ ޚިދުމަތަށް ނިކުތުމުގެ މަގު ތަނަވަސްކޮށްދިނުމަށް އެކަށައަޅާފައިވާ ޚާއްސަ ސިޔާސަތު ތަންފީޒު ކުރުމަށްޓަކައި އެކުލަވާލި ދަފުތަރެކެވެ.

ދަފުތަރުގައި ރަޖިސްޓްރީވުމުގެ ފުރުސަތު ހުޅުވާލާފައި ވަނީ އަންނަ އަހަރުގެ ސެޕްޓެމްބަރު މަހުގެ 8 އާ ހަމައަށެވެ. މި ލިންކް https://docs.google.com/forms/d/e/1FAIpQLSehFSG6owcpJSvwZiTzaZP5w3sXYdWtVzt1F3HPZvr9F5THFA/viewform?usp=pp_url މެދުވެރިކޮށް ރަޖިސްޓްރީ ކުރެވޭނެ އެވެ.

Advertisement

ސަރުކާރުން މިހާރު ވަނީ ދައުލަތުގެ ވަޒީފާއިން މުސްކުޅިކޮށްފައިވާ އަދި މުސްކުޅިކުރެވޭ ފަރާތްތަކުގެ ތެރެއިން ވަޒީފާގައި ދެމިތިބުމަށް ނުވަތަ ވަޒީފާއަށް އެނބުރި އައުމަށް އެދޭ ފަރާތްތަކަށް، އެ ފަރާތްތަކުގެ އުމުރުން 75 އަހަރުވުމާ ހަމައަށް ވަޒީފާ ޢަދާކުރުމުގެ ފުރުސަތު ފަހިކޮށް ދިނުމާ ގުޅޭ ގޮތުން ކުރަން ޖެހޭ މަސައްކަތް ދަޢުލަތުގެ ހުރިހާ މުއައްސަސާތަށް ހިމެނޭހެން ކުރަމުންނެވެ.