ކުޅުދުއްފުށީ ސިޓީގެ ފަޅުތެރެއިން މަރުވެފައި އޮތް މީހަކު މިއަދު ފެނިއްޖެ އެވެ.

ފަޅުތެރޭގައި މަރުވެފައި އޮއްވައި ފެނުނީ އެ ރަށު ޑޭޒީ ފެހި، މުހައްމަދު ހަސަން، 36، އެވެ. އޭނަގެ ހަށިގަނޑު މިހާރު އޮތީ ކުޅުދުއްފުށީ ހޮސްޕިޓަލްގަ އެވެ. ހޮސްޕިޓަލުން ބުނެފައީ މުހައްމަދު ހޮސްޕިޓަލަށް ގެންދިޔަ އިރު ވެސް އޮތީ މަރުވެފައި ކަމަށެވެ.

އޭނަގެ ހަށިގަނޑު ފަޅުތެރެއިން ފެނުނީ ހެނދުނު 8:38 ގަ އެވެ.

Advertisement

މިކަމާ ގުޅޭ ގޮތުން އިތުރަށް ބަލަން ޖެހޭ ކަންކަން ފުލުހުން މިހާރު އަންނަނީ ބަލަމުންނެވެ.

ރާއްޖޭގެ އުތުރުގެ ސިޓީގެ ފަޅުތެރެއިން މަރުވެފައި އޮތް މީހަކު ފެނުނު އިރު، އިއްޔެ ނ. ހޮޅުދޫގައި "މަރާލާފައި އޮތް" އަންހެނަކު ފެނުނު މައްސަލައެެއް ފުލުހުން އަންނަނޫ ތަހުގީގު ކުރަމުންނެވެ.