މާލޭގެ ގެސްޓްހައުސްއެއްގެ ތެރޭގައި ޒަޚަމްކޮށްލާފައި އޮތް މީހަކު ފެނުނު މައްސަލައިގައި 2 މީހަކު ހައްޔަރުކޮށްފިއެވެ.

މިމަހުގެ 9 ވަނަ ދުވަހު މާލޭގެ ގެސްޓްހައުސްއަކުން ޒަޚަމްތަކަކާއެކު ފެނިފައިވަނީ ދިވެހި ފިރިހެނެކެވެ. އޭނާއަށް އައިޖީއެމްއެޗްގައި ދަނީ ފަރުވާ ދެމުންނެވެ.

ދިވެހި ފުލުހުންގެ ޚިދުމަތުން ވިދާޅުވީ، މިމަހުގެ 9 ވަނަ ދުވަހު މާލޭ ގެސްޓްހައުސްއެއްގައި ޒަޚަމްތަކާއެކު ފެނުނު މީހާއާމެދު މާރާމާރީ ހިންގިކަމުގެ ތުހުމަތުގައި 2 މީހަކު ހައްޔަރުކޮށްފައިވާ ކަމަށެވެ. ހައްޔަރުކޮށްފައިވަނީ 23 އަހަރުގެ ދެ ޒުވާނުންނެވެ. އެއީ ކ. ތުލުސްދޫ / ޕެރިސް ފައުޒަން ޒަރީރާއި، މާލޭ މއ. ވޮއްކޮޅުގެ އަޙްމަދު މާޒިން އިބްރާހިމެވެ.

Advertisement

ފުލުހުން ވިދާޅުވީ، މި މައްސަލައާ ގުޅިގެން 2 މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރީޢަތް ނިމެންދެން ބަންދުކުރުމަށް އަމުރުކޮށްފައިވާ ކަމަށެވެ. އަދި މި މައްސަލަ ތަޙުޤީޤުކުރަމުންދާކަމަށްވެސް ފުލުހުން ވިދާޅުވިއެވެ.