އިންކަމް ޓެކްސް ބަޔާން ހުށައަޅާފައިނުވާ ބޮޑެތި ޓެކްސް ދައްކާ ފަރާތްތަކުގެ ނަންތައް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އާއްމުކޮށްފިއެވެ.

މީރާ އިން އާންމު ކޮށްފައިވާ އިންކަމް ޓެކްސް ބަޔާން ހުށަހަޅާފައި ނުވާ ފަރާތްތަކުގެ ލިސްޓުގައި 43 ވިޔަފާރިއެއްގެ ނަން ހިމެނޭއިރު އޭގެ ތެރޭގައި ރާއްޖޭގެ ބޮޑެތި ކުންފުނި ތަކުގެ އިތުރުން ރާއްޖޭގައި އެކި މަޝްރޫއުތައް ހިންގަމުން އަންނަ ބޭރުގެ ކުންފުނިތައްވެސް ހިމެނެއެވެ.

މީރާ އިން ބުނެފައިވަނީ އިންކަމް ޓެކްސް ބަޔާން ހުށަހަޅާފައިނުވާ ފަރާތްތަކުގެ ނަންތައް އާންމުކޮށްފައިވަނީ ޓެކްސް ބަޔާން ހުށަނާޅާ އަދި ފައިސާ ނުދައްކާ ފަރާތްތަކުގެ ނަން ހާމަކުރުމަށް އޮންނަ އުސޫލުގެ ދަށުން ކަމަށެވެ.

Advertisement

ބޮޑެތި ޓެކްސް ދައްކާ ފަރާތްތަކުގެ ގޮތުގައި ގިންތިކޮށްފައިވާ ވިޔަފާރިތަތަކީ އަހަރެއްގެ ތެރޭގައި އެ ފަރާތުގެ ޖުމްލަ އާމްދަނީ 200 މިލިއަން ރުފިޔާއަށް ނުވަތަ އެއަށްވުރެ އިތުރުވާ ފަރާތްތަކާއި އެފަރާތްތަކާއި ގުޅުން އޮންނަ ވިޔަފާރިތައް ކަމަށް މީރާ އިން ހާމަކޮށްފައިވެއެވެ.

މިދިޔަ އަހަރުގެ އިންކަމް ޓެކްސް ބަޔާން ހުށަހަޅައި ފައިސާ ދެއްކުމުގެ ސުންގަޑިއަކީ މި އަހަރުގެ ޖޫން 30 ވަނަ ދުވަހެވެ.