އެފްއޭއެމްގެ ފައިސާ ނަހަމަ ގޮތުގައި ބޭނުންކޮށް، އެތަނުގެ ފައިސާ އިން އެފްއޭއެމްގެ ކުރީގެ ރައީސް ބައްސާމް އަދީލް ޖަލީލް ބައްލަވައިގެންފައިވާ ދެ އެޕާޓްމަންޓް ފުލުހުންނަށް ހަވާލުކުރަން ދިން މުއްދަތު ބައްސާމަށް އިތުރުކޮށްދީފި އެވެ.

އެފްއޭއެމަށް ފީފާ އިން ދިން ފައިސާ އަށް ބައްސާމް އެޕާޓްމަންޓްތަކެއް ބައްލަވައިގަތް މައްސަލައިގައި އޭނަގެ މައްޗަށް ދައުވާކުރަން ޕްރޮސެކިއުޓާ ޖެނެރަލް (ޕީޖީ) އޮފީހަށް ފޮނުވާފައިވާ އިރު އެ ދެ އެޕާޓްމަންޓް މިއަދުގެ ކުރިން ފުލުހުންނާ ހަވާލުކުރަން ވެސް އޮތީ އަންގައިފަ އެވެ. ނަމަވެސް ބައްސާމްގެ ފަރާތުން ވަނީ އެޕާޓްމެންޓްތައް ހަވާލުކުރުމުގެ މުއްދަތު މި މަހުގެ 31 ގެ ނިޔަލަށް ފަސްކޮށްދިނުމަށް އެދިފަ އެވެ.

ފުލުހުން ރޭ ބުނީ ހާލަތަށް ރިޔާއަތްކުރުމަށްފަހު އެޕާޓްމެންޓްތައް ހަވާލުކުރުމުގެ މުއްދަތު އިތުރުކޮށްދީފައިވާ ކަމަށެވެ. އެކަމާ ގުޅޭ އިތުރު ތަފްސީލެއް ދީފައެއް ނުވެ އެވެ.

Advertisement

އަމީން އެވެނިއު އިން ބައްސާމް ދެ ފުލެޓް ބައްލަވައިގަތީ އެފްއޭއެމްގެ ގަތީ އެފްއޭއެމްގެ 3،084،000ރ. ބޭނުންކޮށްގެން ކަމަށް ފުލުހުން ބުނެފައިވެ އެވެ. އެ ގޮތުން، އެފްއޭއެމުން އަމީން އެވެނިއުއަށް އޭޕްރީލް 14، 2021 ގައި އެއް މިލިއަން ޑޮލަރު ޖަމާކުރި ކަމަށް ބުނެފައިވެ އެވެެ.

އެ ފައިސާއަކީ ކޮވިޑް ވަބާގެ ތެރޭގައި ކުލަބުތަކަށް ފައިސާ ދޫކުރަން ފީފާއިން އެފްއޭއެމަށް ދިން 1.9 މިލިއަން ޑޮލަރުގެ ތެރެއިން ބައެއް ކަމަށް ފުލުހުން ވެސް ބުނެފައިވެ އެވެ.