އިނގިރޭސިވިލާތުގެ ވަން ޑައިރެކްޝަން ބޭންޑުން ގިނަ ބައެއްގެ މަގުބޫލުކަން ހޯދި ލިއަމް ޕޭން މަރުވެއްޖެ އެވެ.

ލިއަމް ،31، މަރުވީ އާޖެންޓީނާގެ ވެރިރަށް ބިއުނޮސް އާރީސްގެ ހޮޓަލެއްގެ ތިންވަނަ ބުރިން ވެއްޓިގެންނެވެ. މި ހާދިސާ ހިނގަން މެދުވެރިވި ސަބަބެއް އާޖެންޓީނާގެ ފުލުހުން މިހާތަނަށް ހާމަކޮށްފައެއް ނުވެ އެވެ.

މި މަހުގެ ކުރީކޮޅު ވަން ޑައިރެކްޝަންގެ ކުރީގެ މެމްބަރު ނައެލް ހޯރަން އާޖެންޓީނާގައި ބޭއްވި ކޮންސެޓެއްގައި ލިއަމް ބައިވެރިވެފައިވެ އެވެ.

Advertisement

އިނގިރޭސި މަޝްހޫރު ޓީވީ ޝޯ، "ދަ އެކްސް ފެކްޓަރ" އިން 2010 ވަނަ އަހަރު ތައާރަފްވި ވަން ޑައިރެކްޝަން ބޭންޑަކީ އާންމުންގެ ބޮޑު މަގުބޫލުކަމެއް ހޯދި ބޭންޑެކެވެ. މި ބޭންޑުގައި ލިއަމް އާއި ނައެލް އިތުރުން ދެން ހިމެނުނީ ހެރީ ސްޓައިލްސް އާއި ޒޭން މަލިކް އަދި ލުއިސް ޓޮމްލިންސަން އެވެ.

ވަން ޑައިރެކްޝަންގެ މަސައްކަތް ވަކި މުއްދަތެއް ނެތް ގޮތަށް މެދުކަނޑާލީ 2015 ގަ އެވެ. އޭގެފަހުން މި ބޭންޑްގެ މެންބަރުން ވަނީ އެމީހުންގެ ސޯލޯ ކެރިއާ ފަށާފަ އެވެ.