ސްޓެލްކޯ އިން އަންހެނުންނަށް އިލެކްޓްރީޝަން ކޯހެއް ހިންގަން ނިންމައިފިއެވެ.

މިއީ އިލެކްޓްރިކަލް ދާއިރާއަށް އަންހެނުން ޝައުގުވެރިކުރުވައި، އެ ދާއިރާގައި ފިރިހެނުންނާއި އެއް ހަމައެއްގައި މަސައްކަތް ކުރުމުގެ ފުރުސަތު ފަހިކޮށްދިނުމަށްޓަކައި ހިންގާ ކޯހެކެވެ.

'ބިގިނަރސް އިލެކްޓްރީޝަން ކޯސް ފޯރ ވިމެންގެ ނަމުގައި ކަރަންޓާއި ގުޅޭ އަސާސީ ކަންކަން ކިޔަވައިދިނުމަށް ޚާއްސަ ކޯހެއް ހިންގުމަށް މި ކުންފުނިން މި ދަނީ ތައްޔާރުވަމުން." ސްޓެލްކޯ އިން ބުންޏެވެ.

Advertisement

މި ކޯހުގައި ހިލޭ ބައިވެރިވުމުގެ ފުރުސަތު މިހާރު ވަނީ ހުޅުވާލެވިފައި ކަމަށް ވެސް ސްޓެލްކޯ އިން ބުންޏެވެ.

މި ކޯހުގައި ރައްކާތެރިގޮތުގައި ކަރަންޓު ބޭނުން ކުރުމާއި، ކަރަންޓަށް ކުރާ ޚަރަދު ކުޑަ ކުރުމުގެ އިތުރުން، ކަރަންޓު ވަޔަރ ކުރުމުގެ އަސާސީ މަޢުލޫމާތު މި ކޯހުގައި ކިޔަވައިދިނުމަށް ވަނީ ހަމަޖެހިފައެވެ.