ބޭންކު އޮފް މޯލްޑިވްސްއިން ކުރި އިޢުލާނަކީ ރާއްޖެއިން ބޭރުގައި ކިޔަވަންދާ ދިވެހިދަރިވަރުންގެ ލާބައަށް ވަރަށް މުހިންމު އިޢުލާނެކެވެ.

ބޭންކް އޮފް މޯލްޑިވްސްއިން ދޫކުރާ ދިވެހި ރުފިޔާގެ ޑެބިޓްކާޑު ބޭނުންކޮށްގެން ބޭރު ފައިސާ ނެގުމުގައި ދިގު މުއްދަތެއް ވާންދެން އޮތް ދަތިކަން ހައްލުކޮށް ބޭރުގައި ކިޔަވާ ދަރިވަރުންނަށް މަހަކު 1200 ޔޫ.އެސް ޑޮލަރާ އެއްވަރުގެ ޢަދަދަކަށް ބޭރު ފައިސާ ނެގޭނެގޮތަށް ހަމަޖެއްސެވި ހަމަޖެއްސެވުމަށް ތަހުނިޔާ ދަންނަވަމެވެ.

ދިވެހި ރުފިޔާ އެކައުންޓުގައި ފައިސާ ހުރިނަމަވެސް އެ ފައިސާ ބޭރު ފައިސާ އަށް ބަދަލުކުރުމުގައި ފާއިތުވީ ހައެއްކަ އަހަރު ދުވަހު، ހުރި ދަތިތަކާހެދި ކިޔެވުމާއި ދިރިއުޅުމުގެ ކަންކަން ދިޔައީ ދަރިވަރުންނަށް އިންތިހާއަށް ދަތިވަމުންނެވެ.

Advertisement

މި އައު ސިޔާސަތުގެ ސަބަބުން ދިވެހިރުފިޔާ ބޭރު ފައިސާއަށް ބަދަލުކުރުމުގެ ދަތިކަމާމެދު ދަރިވަރުން ވިސްނުން ދޫކޮށްލައި އެދަރިވަރުންގެ ކިޔެވުމަށް ބޮޑަށް ފޯކަސްކުރާނެ ވަގުތު ލިބޭނެކަމަށް އުއްމީދު ކުރަމެވެ.

މި މިނިސްޓްރީއިން ދެކޭގޮތުގައި މިގެނެވުނު ބަދަލުގެ ސަބަބުން ބޭރުގައި ކިޔަވާ ދަރިވަރުންނަށް އެދަރިވަރުންގެ ކިޔެވުމުގެ ދަތުރުގައި ބޮޑެތި ފަސޭހަތަކެއް ލިބުމުގެ އިތުރުން ކިޔަވައިގެން ކުރިއަށް ދިޔުމަށް ވިސްނާނެ އިތުރު ވަގުތުވެސް ލިބި، ދިވެހި ދަރިވަރުންނަށް އިތުރު ކާމިޔާބީއާއި އަރުތަ ލިބިގެންދާނެއެވެ.