ނ. މަނަދޫއިން މަރާލާފައި އޮއްވާ ފެނުނު ނައީމާ މޫސާގެ ހަށިގަނޑު ވަޅުލައިފި އެވެ.

ނައީމާ މަރާލާފައި އޮއްވާ ފެނުނީ އޭނާ ގެއްލިގެން ފުލުހުންނަށް ރިޕޯޓުކުރުމުން ފުލުހުން ގޮސް އޭނާ ދިރިއުޅޭ ގޭގެ ކޮޓަރީގެ ދޮރު ވައްޓާލައި ބެލުމުންނެވެ. މައުލޫމާތު ލިބިފައިވާ ގޮތުގައި ނައީމާ ފެނުނު އިރު އޮތީ ބިންމަތީގައި ކަމަށާއި، ފެނުނު ތަނުގައި ލޭ ހުރި ކަމަށެވެ. ނައީމާގެ ހަޑިގަނޑުގެ 21 ތަނަކަށް ވަޅިން ހަމަލާދީފައި ހުރިކަމަށް މަޢުލޫމާތު ލިބިފައިވެއެވެ.

މި މައްސަލައާއި ގުޅިގެން ފުލުހުންގެ ސީރިއަސް އެންޑް އޮގަމައިޒްޑް ކްރައިމް ޑިޕަރޓްމަންޓްގެ ޓީމުން އަންނަނީ މަނަދޫގައި ހަރަކާތެރިވަމުންނެވެ. އެގޮތުން ނައީމާ ދިރިއުޅެމުން އައި ގެއާއި، އެގެ ހިމެނޭ ބޮޑު ސަރަޙައްދެއް ފުލުހުން ވަނީ ބަންދުކޮށްފައެވެ. އަދި ފުލުހުންގެ ތަޙުޤީގަށް ބޭނުންވާ މަޢުލޫމާތު ރަށުން ނެގުމުގެ މަސައްކަތް ދަނީ ކުރިއަށެވެ.

Advertisement

މިމައްސަލައާ ގުޅިގެން އެރަށަށް އަރާ ފުރާ ނަމަ އެކަން ކައުންސިލަށް އަންގަން ޖެހެއެވެ. އަދި ފުލުހުން ވަނީ މި ދަނޑިވަޅުގައި އެރަށަށް އަރައިފައިބާ މީހުންގެ މައުލޫމާތު ފުލުހުންނާ ހިއްސާކުރުމަށް ކައުންސިލްގައި އެދިފައެވެ.