ރަޝިޔާ ސަރުކާރުން މިއަދު ބުނެފައި ވަނީ ބަނދަރުތަކުގެ ތެރެއިން ހޮޅިން ޑީސަލް އެކްސްޕޯޓް ކުރުން މަނާކޮށް، ސެޕްޓެމްބަރު 21 ވަނަ ދުވަހު ހަމަޖައްސާފައިވާ ހުރަސްތަކުގެ ބޮޑު ބައެއް އުވާލާފައިވާ ކަމަށެވެ.

ނަމަވެސް ޕެޓްރޯލް އެކްސްޕޯޓް ކުރުމަށް ކަނޑައެޅިފައިވާ ހުރަސްތައް އަދިވެސް އެބަހުއްޓެވެ.

ޑީސަލް އަކީ ރަޝިޔާގެ އެންމެ ބޮޑު ތެލުގެ އުފެއްދުން ކަމަށާއި، މިދިޔަ އަހަރު ގާތްގަނޑަކަށް 35 މިލިއަން ޓަނުގެ ޑީސަލް އެކްސްޕޯޓްކޮށްފައިވާއިރު، އޭގެ ތެރެއިން ގާތްގަނޑަކަށް ތިންބައިކުޅަ އެއްބައި އެކްސްޕޯޓްކުރެވިފައިވަނީ ހޮޅި މެދުވެރިކޮށް ކަމަށެވެ. މީގެ އިތުރުން ރަޝިޔާއިން ވަނީ 2022 ވަނަ އަހަރު 4.8 މިލިއަން ޓަނުގެ ޕެޓްރޯލް އެކްސްޕޯޓްކޮށްފައެވެ.

މި ޚަބަރުގެ ސަބަބުން ދުނިޔޭގެ ތެލުގެ އަގު ވަނީ ދަށަށް ގޮސްފަ އެވެ.

"ހޮޅިން ކަނޑު ބަނދަރުތަކަށް ޑެލިވަރީ ކުރާ ޑީސަލް ފިއުލް އެކްސްޕޯޓް ކުރުމަށް ކަނޑައެޅި ހުރަސްތައް ސަރުކާރުން އުވާލީ، އުފައްދާ ޑީސަލް ފިއުލްގެ މަދުވެގެން %50 ޑޮމެސްޓިކް މާކެޓަށް ފޯރުކޮށްދިނުމަށް،" ކަމަށް ސަރުކާރުން ނެރުނު ބަޔާނުގައިވެ އެވެ.

ޔޫކްރޭން ހަނގުރާމައިގެ ސަބަބުން ޔޫރަޕިއަން ޔޫނިއަނުން ރަޝިޔާއިން ތެޔޮ އެތެރެކުރުން މަނާކުރުމަށްފަހު، ޔޫރަޕަށް ޑީސަލް އަދި އެހެނިހެން ތެޔޮ އެކްސްޕޯޓްކުރަމުން ދިޔައީ ބްރެޒިލް، ތުރުކީ، އުތުރު އަދި ހުޅަނގު އެފްރިކާގެ ބައެއް ގައުމުތަކާއި މެދުއިރުމަތީގެ ގަލްފް ގައުމުތަކުންނެވެ.

ރަޝިޔާއިން ފާއިތުވި މަސްތަކުގައި ތެލުގެ ދަތިކަމާއި ތެލުގެ އަގު ބޮޑވުމާ ވެސް ކުރިމަތިލާފައިވާއިރު، އެކަމުގެ ސަބަބުން ޚާއްސަކޮށް ދަނޑުވެރިންނަށް ދަނޑުވެރިކަން ކުރާ މޫސުމުގައި ގެއްލުންތަކެއް ވަނީ ލިބިފައެވެ.

"ކަމާބެހޭ ފަރާތްތަކުގެ ނިންމުމަކީ ދެ މައްސަލަ ވެސް ހައްލު ކުރުމަށް އެހީތެރިވެދޭނެ ނިންމުމެއް ނަމަވެސް މުޅިން ހައްލެއް ނުވާނެ،" ކަމަށް މޮސްކޯގައި ހުންނަ ބީސީއެސް ބްރޯކަރުން ހެނދުނު ނެރުނު ލިޔުމެއްގައި ވެއެވެ.

"އަޅުގަނޑުމެން އަދިވެސް އުންމީދު ކުރަނީ ޓެކްސްގެ ބަދަލުތައް ވަރަށް އަވަހަށް ގެނައުމުން މިނިވަން ވިޔަފާރިވެރިންނަށް އެކްސްޕޯޓް ފައިދާ ހޯދުމަށް ލިބޭ އާބިޓްރޭޖް ފުރުސަތުތަކުގެ ބޮޑު ބައެއް ނުވަތަ ހުރިހާ ފުރުސަތުތަކެއް ނައްތާލެވޭނެ ކަމަށް."

ހުރަސްތައް އުވާލިފަހުން ލޯކަލް އެކްސްޗޭންޖުގައި ހޯލްސޭލް ޑީސަލްގެ އަގު %21 ދަށްވެފައިވާއިރު، ގޭސް އަގު ވަނީ %10 ދަށަށް ގޮސްފައެވެ.

ފެޑެރަލް އެންޓި މޮނޮޕޮލީ ސާވިސް (އެފްއޭއެސް) އިން ބުރާސްފަތި ދުވަހު ބުނީ ތެލުގެ އުފެއްދުންތަކުގެ އަގު ހެޔޮކުރުމަށް އަންގާ ތެޔޮ ކުންފުނިތަކަށް އިރުޝާދު ދީފައިވާ ކަމަށެވެ.

އަދި ސަރުކާރުން މިއަދު ވަނީ ފިއުލް ނުއުފެއްދޭ ރީސެލަރުންގެ ފިއުލް އެކްސްޕޯޓް ޑިއުޓީ 20،000 ރޫބަލް އިން ޓަނަކަށް 50،000 ރޫބަލް (495.63 ޑޮލަރު) އަށް ބޮޑުކޮށްފައެވެ. އަދި އޮކްޓޯބަރު 1 އިން ފެށިގެން ތެޔޮ އުފައްދާ ކުންފުނިތަކަށް ސަބްސިޑީ ނުވަތަ ޑެމްޕަރ ޕޭމަންޓް އަލުން ދޭން ފަށައިފައެވެ.