04 އޭޕްރީލު 2025

Advertisement

ދިއްދޫގައި ވެމްކޯގެ ޚިދުމަތް ރަސްމީކޮށް ފަށައިފި

22 ފެބްރުއަރީ 2025

ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ ޚިދުމަތްތައް ހއ. ދިއްދޫގައި ރަސްމީކޮށް ފަށައިފިއެވެ.

މިއަދު ދިއްދޫގައި ބޭއްވުނު ޚާއްސަ ރަސްމިއްޔާތެއްގައި މި ޚިދުމަތް ފައްޓަވައިދެއްވީ ފަތުރުވެރިކަމާއި ތިމާވެއްޓާ ބެހޭ ވަޒީރު ޠާރިޤް އިބްރާހީމެވެ.

އެކަމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރު ވިދާޅުވީ ވެމްކޯ ހިދުމަތް ފެށުމާއެކު ރަށުގެ ތިމާވެށި ހިމާޔަތް ކުރުމަށް އިތުރު ބާރެއް ލިބިގެންދާނެ ކަމަށާއި މީގެ ސަބަބުން ރައްޔިތުންގެ ސިއްހަތާއި ލޯކަލް ވިޔަފާރިތަކަށް ވެސް ފައިދާ ކުރާނެ ކަމަށެވެ.

Advertisement

ވެމްކޯގެ މެނޭޖިން ޑިރެކްޓަރު މުޖްތަބާ ޖަލީލް ވިދާޅުވީ ރާއްޖޭގެ ހުރިހާ ރަށަކަށް ވެމްކޯގެ ޚިހިދުމަތް ފޯރުކޮށް ދިނުމަށް ކުންފުނިން މަސައްކަތް ކުރަމުން އަންނަ ކަމަށެވެ. އަދި ކޮންމެ ރަށެއްގެ ކައުންސިލުން ވެމްކޯގެ ހިދުމަތަށް އެދިއްޖެ ނަމަ، އެ ޚިދުމަތް ފޯރުކޮށް ދިނުމަށް ތައްޔާރަށް ތިބޭނެ ކަމަށް މުޖްތަބާ ވަނީ ވިދާޅުވެފައެވެ.

ސަރުކާރުން ވަނީ ރާއްޖޭގެ މީހުން ދިރިއުޅޭ ރަށްތަކަށް ދިމާވެފައިވާ ކުނީގެ މައްސަލައަށް ދާއިމީ ހައްލެއް ހޯދައިދީ، ކުނި މެނޭޖުކުރުން ވަށާޖެހޭ އަދި ތިމާވެއްޓާއި ރައްޓެހި ގޮތަކަށް ކުރިއަށްގެންދަން ހަދަންޖެހޭ ޕްލޭންތަކާއި އިންތިޒާމުތައް ނިންމާފައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހއ. އަތޮޅަށް ކުރެއްވި ދަތުރުފުޅުގައި ދިއްދޫއަށް ވަޑައިގެން، އެ ރަށުގައި ވެމްކޯގެ ޚިދުމަތް ވީހާވެސް އަވަހަށް ފައްޓަވައިދެއްވާނެ ކަމަށް ވަނީ ވިދާޅުވެފައެވެ. 

Advertisement

ކޮމެންޓް