މާލޭގެ ކެފޭއަކުން ކައިގެން ފައިސާ ނުދެއްކި މައްސަލައެއްގައި މީހަކު ހައްޔަރުކޮށްފިއެވެ.

މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެންގޮސްފައިވަނީ އދ. މާމިގިލި، ހަނދުވަރުދޭގެ، ޔާޝިން ރަޝީދު (23އ.) އެވެ.

އޭނާ ވަނީ މީގެ ކުރިންވެސް ކެފޭއަކުން ކައިގެން ފައިސާ ނުދައްކާ ދިޔަ މައްސަލައެއްގައި ހައްޔަރުކޮށްފައެވެ. ފުލުހުން މިރޭ ބުނީ ދެވަނަ ފަހަރަށް އޭނާ ހައްޔަރުކުރީ މިދިޔަ ބުރާސްފަތި ދުވަހު ބުރުޒުމަގުގައި ހުންނަ ކެފޭއަކުން ކެއުމަށްފަހު ފައިސާ ނުދައްކާ ދާން އުޅުމުން ކަމަށެވެ. 

Advertisement

ފުލުހުން ބުނީ އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 10 ދުވަހަށް ބަންދު ކުރުމަށް ކޯޓުން އަމުރުކޮށްފައިވާ ކަމަށެވެ.

ފުލުހުން ދަނީ މިހާރު މި މައްސަލަ ތަޙުޤީޤު ކުރަމުންނެވެ.