ހުޅުމާލޭގައި ކާރެއް ފުރޮޅާލައިފި
ހުޅުމާލޭގައި ބާރު ސްޕީޑުގައި ދުއްވި ކާރެއް ފުރޮޅާލައިފި އެވެ.
ފުލުހުން ބުނީ އެ ހާދިސާ ހިނގީ ރޭ 10:30 ހާއިރު ފިތުރޯނުމަގުން ހުޅުމާލެ ދެވަނަ ފިޔަވައްސަށް ދިޔުމުގެ މަގުމަތީގައި ކޮންޓުރޯލު ނުވެގެން ކަމަށެވެ. ނަމަވެސް މި ހާދިސާގައި އެއްވެސް މީހަކަށް ގެއްލުމެއް ނުވާ ކަމަށާއި ކާރު ފިޔަވައި އެހެން އިތުރު ވެހިކަލަކަށް ވެސް ގެއްލުން ނުވާ ކަމަށް ފުލުހުން ބުންޏެވެ.
ނަމަވެސް މިކަމާ ގުޅޭ އިތުރު އެއްވެސް ތަފުސީލެއް ފުލުހުން ނުދެ އެވެ.
ހުޅުމާލޭގައި މި ފަހަކަށް އައިސް މި މަގުމަތީގެ މިފަދަ ނުރައްކާތެރި ހާދިސާތައް ހިނގުން ވަރަށް ބޮޑަށް އިތުރުވެފައިވެ އެވެ.