04 އޭޕްރީލު 2025

Advertisement

އުއްތަމަ ފަނޑިޔާރު މަގާމުން ދުރަށްދާން ޖެހޭ: ރައީސް ޔާމީން

އުއްތަމަ ފަނޑިޔާރު އަހުމަދު މުއުތަސިމް އަދުނާން މިހާރު ހުންނެވީ ކޮމްޕްރޮމައިޒް ވެފައި ކަމަށާއި މަގާމުން ދުރަށް ވަޑައިގަންނަވަންޖެހޭ ކަމަށް ކުރީގެ ރައީސް ޔާމީން ވިދާޅުވެއްޖެ އެވެ.

ޕީއެންއެފްގެ ފްރޮންޓް އޮފީހުގެ ޖަލްސާގައި ވާހަކަ ދައްކަވަމުން ޔާމީން ވިދާޅުވީ އުއްތަމަ ފަނޑިޔާރު، ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމްއާއެކު ރަށެއްގައި ބައްދަލުވުމެއް ބާއްވާފައިވާ ކަމަށާއި ސަރުކާރުން ޝަރުއީ ދާއިރާއާ ކުޅުވުމަށް ބޭނުން ކުރައްވާ ބޭފުޅަކީ ޔާމީން ކަމަށެވެ. އަދި ނާޒިމަކީ އަބަދުވެސް މިފަދަ ސަކަރާތް ޖައްސަވާ ބޭފުޅެއް ކަމަށްވެސް ޔާމީން ވިދާޅުވި އެވެ.

"އުއްތަމަ ފަނޑިޔާރު އެހެރީ ކޮމްޕްރޮމައިޒް ވެފައި. އަޅުގަނޑު ދެކޭ ގޮތުގައި އުއްތަމަ ފަނޑިޔާރު މިހާރު އެބަޖެހޭ މަގާމުން ދުރަށްދާން،" ޔާމީން ވިދާޅުވި އެވެ.

Advertisement

ޔާމީން ވަނީ އުއްތަމަ ފަނޑިޔާރު ކަމުގެ މަގާމުގައި މުއުތަސިމް ހުންނަވައިގެން މިހާރު އިންސާފު ގާއިމުކުރެވޭނެ ގޮތެއް މިހާރު ނުފެންނަ ކަމަށްވެސް ވިދާޅުވެފަ އެވެ.

"އެހެރީ މަޖިލީހުގެ ނައިބު ރައީސްއާއެކީ ޗޭނު އަޅާފައި، ލިންކު އެޅިފައި އެހެރީ. އޭނަ ހުންނަވައިގެން މިކަމެއް ނުކުރެވޭނެ،" ޔާމީން ވިދާޅުވި އެވެ.

މީގެއިތުރުން ޔާމީން ވަނީ ފަނޑިޔާރުން ކުރައްވާ ކަންތައްތަކާއި މެދު ފަނޑިޔާރުންގެ ޖަމިއްޔާ އިން ބަހެއް ނުބުނާތީ އެ ޖަމިއްޔާ އަށް ވެސް ފާޑު ވިދާޅުވެފަ އެވެ. މީގެކުރިން ފަނޑިޔާރުން ކުރާ ކަމަކާއި ގުޅޭގޮތުން އެއްޗެއް ބުނިޔަސް ބަޔާންތައް އިންތިހާއަށް ނެރެމުންދާ ކަމަށާއި ނަމަވެސް މިއަދު އެއީ އޮތް ޖަމިއްޔާއެއްކަން ވެސް ނޭނގޭ ކަމަށް ޔާމީން ވިދާޅުވި އެވެ.

Advertisement

ކޮމެންޓް