އުރީދޫ މޯލްޑިވްސްގެ ޑިޖިޓަލް ވޮލެޓް، އެމް-ފައިސާ މެދުވެރިކޮށް ފިތުރު ޒަކާތް ދެއްކުމުގެ ޚިދުމަތް ފޯރުކޮށްދޭން ފަށައިފިއެވެ.

އެމް-ފައިސާ މެދުވެރިކޮށް ފިތުރު ޒަކާތް ދެއްކުމަށް، ކަސްޓަމަރުން ore.do/zakatމެދުވެރިކޮށް އެމް-ފައިސާއަށް ލޮގިންވުމަށްފަހު، ޒަކާތުގެ ބާވަތާއި އަދަދު އިޚްތިޔާރުކޮށް، ބޭނުންވާ ތަފްސީލުތައް ފުރިހަމަކުރަންޖެހެއެވެ. އަދި ޕޭމަންޓް މެތަޑްގެ ގޮތުގައި އެމް-ފައިސާ އިޚްތިޔާރުކޮށް، ވޮލެޓް ނަންބަރު ޖެހުމަށްފަހު އޯޓީޕީ ވެރިފައި ކުރަންޖެހެއެވެ.

އުރީދޫ މޯލްޑިވްސްއިން މަޢުލޫމާތު ދެއްވާފައިވާ ގޮތުގައި، އެމް-ފައިސާއަކީ ރާއްޖޭގެ މަޝްހޫރު ޑިޖިޓަލް ވޮލެޓެއް ކަމަށްވެފައި، މަނީ ޓްރާންސްފަރ، ޔުޓިލިޓީ ބިލް ޕޭމަންޓް އަދި މާޗަންޓް ޓްރާންސެކްޝަން ފަދަ ގިނަ މާލީ ޚިދުމަތްތަކެއް މި ވޮލެޓް މެދުވެރިކޮށް ފޯރުކޮށްދެއެވެ.

Advertisement

އުރީދޫ މޯލްޑިވްސްއިން ވަނީ މި ޚިދުމަތް ތަޢާރަފުކޮށްފައިވަނީ ޑިޖިޓަލް މޯލްޑިވްސްގެ އެ ކުންފުނީގެ ތަސައްވުރާ އެއްގޮތްވާ ގޮތުގެ މަތިން، އަދި ޒަރޫރީ މާލީ ޚިދުމަތްތައް އެންމެންނަށްވެސް ލިބެން ހުންނާނެކަން ކަށަވަރުކުރުމުގެ ގޮތުން ކަމަށް ބުނެފައެވެ.

އިތުރު މަޢުލޫމާތު ހޯދުމަށް ޝައުޤުވެރިވާ ފަރާތްތަކަށް ore.do/zakat އަށް ޒިޔާރަތްކުރުމަށް ނުވަތަ އެމް-ފައިސާ އެޕްލިކޭޝަން ޑައުންލޯޑްކުރުމަށް އުރީދޫ މޯލްޑިވްސްއިން ވަނީ އިރުޝާދު ދެއްވާފައެވެ.