އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ އާއި އިދިކޮޅު ޕާޓީގެ ލީޑަރު ބެނީ ގަންޓްޒް ވަނީ ކުއްލި ސަރުކާރެއް އެކުލަވާލުމަށް އެއްބަސްވެފަ އެވެ.

ނަތަންޔާހޫ އާއި ކުރީގެ ޑިފެންސް މިނިސްޓަރު ގުޅިގެން މިކަން އިއުލާން ކުރެއްވީ ބުދަ ދުވަހު މަޝްވަރާ ކުރުމަށް ފަހު އެވެ.

އެމީހުން ބުނީ "ހަނގުރާމަ މެނޭޖްމަންޓް ކެބިނެޓެއް" އުފައްދާނީ ތިން މެންބަރުން ކަމަށްވާ ނަތަންޔާހޫ، ގަންޓްޒް އަދި މިހާރުގެ ޑިފެންސް މިނިސްޓަރު ޔޯއަވް ގަލަންޓް އާއި އެކު ކަމަށެވެ.

Advertisement

އެމީހުން ބުނީ އާ ކެބިނެޓް ގާއިމްކުރާނީ މިހާރު އޮތް ކެބިނެޓާ ވަކިން ކަމަށާއި ފަލަސްތީނުގެ އިސްލާމިސްޓް ޖަމާއަތް ހަމާސްއާ އެކު މިހާރު ހިނގަމުންދާ ހަނގުރާމަތަކަށް އަލިއަޅުވާލާނެ ކަމަށެވެ.

ޖޮއިންޓް އިއުލާނުގައި ބުނެފައި ވަނީ ހަނގުރާމައިގެ ދުވަސްވަރު، ހަމަނުޖެހުން ހިންގުމާ ގުޅޭ އެއްވެސް ބިލެއް ނުވަތަ ސަރުކާރުގެ ނިންމުމެއް ޕްރޮމޯޓް ނުކުރާނެ ކަމަށެވެ.

ނަތަންޔާހޫ އިސްކޮށް ހުންނަވަނީ އޭނާގެ ކަނާތުފިޔައިގެ ލިކުޑް ޕާޓީއާއި އެންމެ ކަނާތު ފިޔައިގެ އަދި ދީނީ ޕާޓީތަކުން އުފައްދާފައިވާ ކޯލިޝަން ސަރުކާރެކެވެ.

އިސްރާއީލުގެ ޝަރުއީ ނިޒާމު އިސްލާހުކުރުމާއި އެހެނިހެން ދާޚިލީ ކަންކަމާ ގުޅިގެން އޭނާގެ ސަރުކާރާއި ގަންޓްޒްގެ އިދިކޮޅު ޕާޓީއާ ދެމެދު ވަނީ ހިޔާލުތަފާތުވުންތަކެއް އުފެދިފަ އެވެ.

އެކަމަކު ބޮޑުވަޒީރުގެ އަމާޒަކީ ހަމާސްއާ އެކު އުފެދިފައިވާ ކޯޅުންތަކާ ކުރިމަތިލުމަށް އިދިކޮޅު ފަރާތްތަކަށް އެއްބާރުލުންދީގެން މިއަށްވުރެ ހަރުދަނާ ސަރުކާރެއް ގާއިމް ކުރުން ކަމަށް ބެލެވެ އެވެ.