ޣައްޒާގައި އަސީރުންގެ ގޮތުގައި އިސްރާއީލުގެ 126 މީހަކު ތިބިކަން ކަށަވަރުވެފައިވާކަމަށް އިސްރާއީލުގެ އަސްކަރިއްޔާގެ ތަރުޖަމާނަކު ވިދާޅުވެއްޖެއެވެ.

ހަމާސްއިން ބުނީ 100 އަށް ވުރެ ގިނަ މީހުން އަތުލައިގަނެފައިވާ ކަމަށާއި އިސްރާއީލުގެ އަސީރުންގެ ބަދަލުގައި އިސްރާއީލުގެ ޖަލުތަކުގައި ތިބި ފަލަސްތީނުގެ ހުރިހާ ގައިދީން (ގާތްގަނޑަކަށް 4،500 މީހުން) ދޫކޮށްލުމަށް އެދޭ ކަމަށެވެ.

އިސްރާއީލުގެ މީހުންގެ އިތުރުން ރަހީނުންގެ ގޮތުގައި އެމެރިކާ މީހުންނާއި އިޓަލީ މީހުންނާއި ޖަރުމަނު މީހުން ހިމެނެ އެވެ.

Advertisement

ހަމާސްއިން ބުނީ އިސްރާއީލުން ދިން ވައިގެ ހަމަލާތަކުގައި މިހާތަނަށް ބިދޭސީން ހިމެނޭ ގޮތަށް 22 މީހުން މަރުވެފައިވާ ކަމަށެވެ. އެއީ ކޮން ޤައުމަކަށް ނިސްބަތްވާ ބައެއްކަން ސާފުވެފައި ނުވެއެވެ. އިސްރާއީލުގެ އަސްކަރިއްޔާއިން ވަނީ އެ ވާހަކަ ދޮގުކޮށްފައެވެ.