އީރާނާއެކު ގުޅިގެން މަޝްރޫއުތައް ހިންގުމަށް ސައުދީ އަރަބިއްޔާއިން މަރުހަބާ ކިޔާކަން ފާހަގަކުރައްވައި އިސްލާމިކް ޖުމްހޫރިއްޔާއަކީ ގިނަ ފުރުސަތުތަކެއް ހުރި ވަރަށް މުހިންމު އަވަށްޓެރި ގައުމެއްގެ ގޮތުގައި ތެހެރާނުގައި ހުންނަވާ ސައުދީ އަރަބިއްޔާގެ ސަފީރު އަބްދުﷲ ބިން ސައުދު އަލް އަންޒީ ވިދާޅުވެއްޖެ އެވެ.

އީރާން ޗެމްބަރ އޮފް ގައިލްޑްގެ ވެބްސައިޓުގައިވާ ގޮތުން އަލްއަންޒީ ވަނީ އީރާން ޗެމްބަރ އޮފް ގައިލްޑްގެ ވެރިޔާއާ ބައްދަލުކުރައްވައި އީރާނާއި ސައުދީ އަބިއާގެ ގުޅުން ހަމަޖެހޭނެ ކަމަށް ވިދާޅުވެފައެވެ.

ދެގައުމުގެ ވިޔަފާރީގެ ގުޅުން ފުޅާކުރުމުގެ ބޮޑު ގާބިލްކަމެއް އެބައޮތް ކަމަށް އޭނާ އިތުރަށް ފާހަގަކުރެއްވި އެވެ.

Advertisement

އިސްލާމީ ޖުމްހޫރިއްޔާއަކީ ވަރަށް މުހިއްމު އަވަށްޓެރި ޤައުމެއްކަން ފާހަގަކުރައްވައި، އެޤައުމަކީ ގިނަ ފުރުޞަތުތަކާއި، ދުނިޔޭގައި ރަނގަޅު ސްޓްރެޓެޖިކް މަޤާމެއް އޮތް ޤައުމެއްކަން ފާހަގަކުރެއްވިއެވެ.

މީގެ އިތުރުން ދެގައުމުގެ އަމިއްލަ ފަރާތްތަކުގެ މެދުގައި ކޮންޓްރެކްޓްތައް ސޮއިކޮށްގެން ދެގައުމުގެ އެއްބާރުލުން އިތުރުކުރުމަށް އޭނާ ގޮވާލެއްވި އެވެ.