ރާއްޖޭގެ ހުރިހާ ރަށަކަށް ފުރުސަތު އޮންނަ ގޮތަށް ކުޅެވޭ، ރާއްޖޭގެ އެންމެ ބޮޑު އަދި އެންމެ ފޯރިގަދަ ފުޓްސަލް މުބާރާތް، ގޯލްޑަން ފުޓްސަލް ޗެލެންޖް 2024 ގައި ބައިވެރިވުމަށް ހުޅުވާލައިފިއެވެ.

ގޯލްޑަން ފުޓްސަލް ޗެލެންޖް ބާއްވަން ކަނޑައަޅާފައިވަނީ އަންނަ އަހަރުގެ ޖަނަރަވީ މަހުއެވެ. މިފަހަރުގެ މުބާރާތުގައި ބައިވެރިވުމަށްވެސް އާންމުކޮށް މިއަދު ހުޅުވާލިއިރު، ބައިވެރިވުމަށް ފުރުސަތު ހުޅުވާލާފައި ވަނީ އަންނަ ނޮވެމްބަރު މަހުގެ 10 ވަނަ ދުވަހާ ހަމައަށެވެ.

އަންނަ އަހަރުގެ މުބާރާތުގެ ޒޯންތައް

ޒޯން 1: ހއ އަތޮޅު، ހދ އަތޮޅު

ޒޯން 2: ށ އަތޮޅު، ނ އަތޮޅު، ރ އަތޮޅު

ޒޯން 3: ބ އަތޮޅު، ޅ އަތޮޅު، ކ އަތޮޅު

ޒޯން 4: އއ އަތޮޅު، އދ އަތޮޅު، ވ އަތޮޅު

ޒޯން 5: މ އަތޮޅު، ފ އަތޮޅު، ދ އަތޮޅު

ޒޯން 6: ތ އަތޮޅު، ލ އަތޮޅު

ޒޯން 7: ގދ އަތޮޅު، ގއ އަތޮޅު ފުވައްމުލައް ސިޓީ، އައްޑޫ ސިޓީ

ޒޯން 8: މާލެ

އަންނަ އަހަރުގެ މުބާރާތަށް ގެނައި ބަދަލާއެކު މުބާރާތް އިތުރަށް ފޯރިގަދަ ވެގެންދާނެ ކަމަށް ބެލެވެއެވެ. މިދިޔަ އަހަރުގެ ގޯލްޑަން ފުޓްސަލް ޗެލެންޖްގައިވެސް 102 ޓީމަކުން ބައިވެރިވެ 250 އަށްވުރެ ގިނަ މެޗު ކުޅެފައިވެއެވެ. މިދިޔަ އަހަރު ގޯލްޑަން ފުޓްސަލް ޗެލެންޖް ކާމިޔާބުކުރީ ލ. ގަމުންނެވެ. ފައިނަލުގައި ވާދަކުރީ ގދ. ވާދޫއާ ދެކޮޅަށެވެ.