ފިލްމީ ދާއިރާ އަށް އާ ފަންނާނުންތަކެއް ތައާރަަފުކުރަން ހަމަޖެހިފައިވާ ފިލްމު "ދި އާ އާޗީސް" ގެ ރަސްމޯ ޓްރެއިލާ މިއަދު ދައްކާލައިފި އެވެ.

އަންނަ މަހުގެ 7 ގައި ނެޓްފްލިކްސް އިން ޕްރީމިއާކުރަން ހަމަޖެހިފައިވާ މި ފިލްމަކީ ޝާހްރުކް ޚާންގެ ދަރިފުޅު ސުހާނާ ޚާނާއި އަމީތާބް ބައްޗަންގެ ކާފަދަރިފުޅު އަގަސްޓިއާ ނަންދާގެ އިތުރުން ކުރީގެ ބަތަލާ ސްރީދޭވީގެ ހަގު ދަރިފުޅު ހުޝީ ކަޕޫރް ތައާރަފުކުރާ ފިލްމެވެ. މި ތިން މީހުންނާ އެކީ "ދި އާޗީސް" އިން ޒުވާން އާ ބޮޑު ކާސްޓެއް ފެންނާނެ އެވެ.

މި ފިލްމަކީ ހުޅަނގުގެ މަޝްހޫރު ކޮމިކް ދި އާޗީ އަށް ބިނާކޮށް، އެކަމަކު މީގެ ވާހަކައިގައި އިންޑިއާގެ ރަހަ އާއި ކުލަވަރު ޖައްސައިގެން ޒޯޔާ އަޚްތަރު ޑައިރެކްޓްކޮށްފައިވާ ޓީން-މިއުޒިކަލް ކޮމެޑީއެކެވެ. "ދި އާޗީސް" ގައި ދައްކުވައި ދޭނީ 1960 ގެ ތެރެ އެވެ.

Advertisement

މީގެ ޑައިރެކްޓަރު ޒޯޔާ އަކީ "ގަލީ ބޯއި" އާއި "ޒިންދަގީ މާ މިލޭގީ ދުބާރާ" އަދި "ދިލް ދަޅަކް މޭ ދޯ" ފަދަ މަގުބޫލު ފިލްމުތައް ގެނެސްދިން ޑައިިރެކްޓަރެވެ.