ނިރުބަވެރި އިސްރާއީލުގެ ބޮޑު ވަޒީރު، ބެންޖަމިން ނަތަންޔާހޫއާއި ދެކޮޅަށް އެގައުމުގައި ނުކުތް ބަޔަކު ހައްޔަރު ކޮށްފިއެވެ.

އިސްރާއީލުގެ މީޑިއާތަކުން ރިޕޯޓް ކޮށްފައިވާ ގޮތުގައި އެގައުމުގެ ބަޔަކު މީހުން އޭނާ އާއި ދެކޮޅަށް ނުކުމެ އަޑު އުފުލާފައިވަނީ އޭނާ ދިރިއުޅެމުން އަންނަ ގެ ކައިރިއަށް އެއްވެއެވެ. އެގޮތުން އެއްވި މީހުން ވަނީ އޭނާ މަގާމުން އިސްތިއުފާ ދިނުމަށް ގޮވާލާފައެވެ.

އަދި ހަމާސް ޖަމާއަތުން މިދިޔަ އޮކްޓޯބަރު މަހުގެ 7 ވަނަ ދުވަހު ދިން ހަމަލާއަކީ ނަތަންޔާހޫ ފެއިލްވެފައިވާކަން ދައްކުވައިދޭ ކަމެއްކަމަށް ވެސް ވަނީ ބުނެފައެވެ.

Advertisement

މިއެއްވުމުގެ ތެރެއިން 6 މީހަކު މިހާރު ހައްޔަރު ކޮށްފައިވާއިރު، މިއަށްވުރެ ބޮޑު އެއްވުމެއް ވެސް މިއަދު އޮންނާނެ ކަމަށް ރިޕޯޓްތަކުން ވަނީ ބުނެފައެވެ.

ނަތަންޔާހޫ ދިރިއުޅޭ ގެ ކައިރިއަށް ބަޔަކު އެއްވެ، އޭނާގެ އިސްތިއުފާއަށް ގޮވާފައިވާއިރު، ނިއުޔޯކް ޓައިމްސްއިން އިއްޔެ ނެރުނު ރިޕޯޓެއްގައި ބުނީ، އިސްރާއީލުގެ އަސްކަރިއްޔާއިން ހަމާސް ޖަމާއަތުގެ ޕްލޭން މީގެ އަހަރެއްހާ ދުވަސް ކުރިން ހޯދާފައިވާ ކަމަށެވެ. އެހެން ނަަމަވެސް އެ ރޭވުމުގެ ކަންކަން ނަތަންޔާހޫއަށް އެނގޭ ކަމެއް އެރިޕޯޓްގައި ހާމަކޮށްފައެއް ނުވެއެވެ.

ހަމާސް ޖަމާއަތުން އިސްރާއީލަށް ދިން ހަމަލާތަކާއި ގުޅިގެން އެގައުމުގެ ރައްޔިތުން ވަނީ އެކަމުގެ ޒިންމާ އުފުލަން ޖެހޭނީ ނަތަންޔާހޫ ކަމަށް ބުނެ ނުރުހުން ފާޅުކޮށްފައެވެ. މިހަނގުރާމައިގައި މިހާތަނަށް ނިރުބަވެރިންގެ 1،500 މީހަކު މަރުވެފައިވާ ކަމަށް ރިޕޯޓްތަކުން ބުނެއެވެ.