ޤައުމުން ބޭރަށް ދަތުރުކުރުން މަނާކޮށްފައިވާ ރަޝިޔާގެ ރައްޔިތުން އެކަން އެންގުމަށްފަހު ފަސް ދުވަހުގެ ތެރޭގައި ޕާސްޕޯޓް ކަމާބެހޭ ފަރާތްތަކާ ހަވާލުކުރަން ޖެހޭނެ ކަމަށް އެޤައުމުގެ ސަރުކާރުން އަންގާފިއެވެ.

ރަޝިޔާގެ ގާނޫނުގައިވާ ގޮތުން ކަމާބެހޭ ފަރާތްތަކަށް ދަތުރުކުރުން މަނާކުރެވިދާނެއެވެ. އޭގެ ތެރޭގައި ފެޑެރަލް ސެކިއުރިޓީ ސާވިސް (އެފްއެސްބީ) ގެ މުވައްޒަފުންނާއި، ކުށްވެރިން، ނުވަތަ ދައުލަތުގެ ސިއްރުތައް ނުވަތަ "ޚާއްޞަ މުހިންމު މައުލޫމާތެއް" ލިބޭ މީހުން، އަދި އެހެނިހެން ފަރާތްތަކެވެ.

ހަވާލުކުރާ ޕާސްޕޯޓް ރައްކާކުރާނީ އެ ޕާސްޕޯޓް ދޫކުރި އިންޓީރިއާ މިނިސްޓްރީ ނުވަތަ ފޮރިން މިނިސްޓްރީގެ އޮތޯރިޓީތަކުންނެވެ.

Advertisement

ދަތުރު މަނާކުރުން އުވާލުމަށްފަހު، އެޕްލިކޭޝަނެއް ފުރިހަމަ ކުރުމުން ޕާސްޕޯޓް އަނބުރާ ދެވިދާނެ ކަމަށް ސަރުކާރުގެ އަމުރުގައިވެ އެވެ.

އަސްކަރީ ނުވަތަ ސިވިލް ޚިދުމަތަށް ކޮންސްކްރިޕްޝަން ހެދުމުގެ އުސޫލުން ދަތުރުކުރުމުގެ ހައްގު ވަގުތީ ގޮތުން ލިމިޓްކުރި މީހުން ޚިދުމަތް ފުރިހަމަކުރި ކަމުގެ ހެއްކާއެކު އަސްކަރީ އައިޑީއެއް އިތުރަށް ފޯރުކޮށްދޭން ޖެހޭނެ ކަމަށް ގަރާރުގައިވެ އެވެ.