ސްވިޒަލޭންޑްގެ އަލްޕައިން ޓައުން ސިއޮންގައި ބަޑިޖެހައި ދެ މީހަކު މަރާލި ކަމަށް ޝައްކު ކުރެވޭ މީހަކު ހައްޔަރުކޮށްފައިވާ ކަމަށް ފުލުހުން ބުނެފި އެވެ.

ފުލުހުން އިތުރަށް ބުނީ މަރުވެފައި ވަނީ މި ސަރަހައްދުގައި ދިރިއުޅެމުން އަންނަ 34 އަހަރުގެ އަންހެނަކާއި 41 އަހަރުގެ ފިރިހެނެއް ކަމަށެވެ.

މިހާދިސާއަށް ފަހު ފުލުހުން ވަނީ އެ ސަރަހައްދު ވަށާލައި ޗެކްޕޮއިންޓެއް ގާއިމްކޮށް، ކެންޓަން އިން ބޭރަށް ނުކުންނަ މައި މަގުގައި ކާރުތައް ހުއްޓުވައި ބަލައިފާސްކޮށްފަ އެވެ.

Advertisement

ސްވިޒަލޭންޑްގައި ބަޑި ގެންގުޅޭ މީހުންގެ ނިސްބަތް އިތުރެވެ. ސްވިސްގައި ހުންނަ ސްމޯލް އާމްސް ސާވޭ ރިސާޗް ގްރޫޕުން ލަފާކުރާ ގޮތުގައި ގާތްގަނޑަކަށް 9 މިލިއަން މީހުން ދިރިއުޅޭ ގައުމެއްގައި އާންމުންގެ އަތުގައި ގާތްގަނޑަކަށް 2.3 މިލިއަން ބަޑި ހުރެއެވެ.