ދައުލަތުން ބަދަލެއްގެ ގޮތުގައި ދައްކަން ޖެހޭ 101.7 މިލިޔަން ރުފިޔާއަކީ އާބިޓްރޭޝަނަކަށް ދައްކަން ޖެހޭ ފައިސާ ކަމަށާއި އެ ފައިސާ އަދި ދޫކޮށްފައި ނުވާނެ ކަމަށް މާލީ ވުޒާރާއިން ބުނެފިއެވެ.

އެ މިނިސްޓްރީގެ ވީކްލީ ފިސްކަލް ޑިވެލޮޕްމަންޓް ރިޕޯޓާ ހަވާލާދީ މި ސަރުކާރުގެ ފުރަތަމަ ދެ ހަފުތާ ތެރޭގައި ބަދަލުގެ ގޮތުގައި 101.7 މިލިއަން ރުފިޔާ ދޫކޮށްފައިވާ ކަމަށް މީޑީޔާގައި ދައުރުވަމުންދާ ހަބަރަކާއި ގުޅިގެން އެ ވުޒާރާއިން އިއްޔެ ނެރުނު ބަޔާނެއްގައި ބުނެފައިވަނީ ގެއްލުމުގެ ބަދަލުގެ ގޮތުގައި ސަރުކާރުން 101.7 މިލިއަން ރުފިޔާ ރިޕޯޓު ކުރެވިފައިވީ ނަމަވެސް، އެ ފައިސާއަކީ އަދި މިހާތަނަށް ދޫކޮށްފައިވާ ފައިސާއެއް ނޫން ކަމަށެވެ.

ނޮވެމްބަރު 24 އިން ނޮވެމްބަރު 30 ވަނަ ދުވަހުގެ ނިޔަލަށް ބަދަލުގެ ގޮތުގައި 101.7 މިލިއަން ރުފިޔާ ދޫކޮށްފައިވާ ކަމަށް ވެއެވެ. އެ އަދަދާއެކު މިއަހަރުގެ މިހާތަނަށް ބަދަލުގެ ގޮތުގައި ސަރުކާރުން ދޫކުރި ފައިސާ 539.8 މިލިއަން ރުފިޔާއަށް އަރާ ކަމަށްވެސް މީޑީޔާތަކުގައި ވަނީ ރިޕޯޓު ކޮށްފައެވެ.

Advertisement

ބަޔާނުގައި ބުނެފައިވަނީ ހަވާލާދީފައިވާ ރިޕޯޓުގައި ގެއްލުމުގެ ބަދަލުގެ ގޮތުގައި 101.7 މިލިއަން ރުފިޔާ ރިޕޯޓު ކުރެވިފައިވީ ނަމަވެސ،ް އެ ފައިސާއަކީ އަދި މިހާތަނަށް ދޫކޮށްފައިވާ ނުވަތަ ޕޭމަންޓް ޕްރޮސެސްކޮށްފައިވާ ފައިސާއެއް ނޫން ކަމަށެވެ.

ވީކްލީ ފިސްކަލް ޑިވެލޮޕްމަންޓްސް ރިޕޯޓުން ފެންނަ އަދަދަކީ އިންޓަރނޭޝަނަލް އާބިޓްރޭޝަންއަކާ ގުޅިގެން އެ "ޓްރާންސެކްޝަން" ޕަބްލިކްއެކައުންޓިންގ ސިސްޓަމްއަށް ޕޯސްޓްކުރުމުން ރިޕޯޓު ކުރެވިފައިވާ އަދަދެއް ކަމަށާއި 17 ނޮވެމްބަރު 2023 ގައި، މި ސަރުކާރު ހަވާލުވިއިރު ގެއްލުމުގެ ބަދަލުގެ ގޮތުގައި އެކި ފަރާތްތަކަށް ދައުލަތުގެ ބަޖެޓުން ޚަރަދުކުރުމަށް ނިންމާފައިވާ ނިންމުންތަކުގެ އިތުރުން އިންޓަރނޭޝަނަލް އާބިޓްރޝަނުން ދައުލަތާ ދެކޮޅަށް ނިންމާފައިވާ މައްސަލަތަކާ ގުޅިގެން ބައެއް ފަރާތްތަކަށް ވަނީ ފައިސާ ދޫކުރުމަށް ނިންމާފައިވާ ކަމަށްވެސް އެ ވުޒާރާއިން ވަނީ ބުނެފައެވެ.

މީގެތެރޭގައި ބައިބަޔަށް ބަހާލައިގެން ފައިސާ ދެއްކުމަށް ނިންމާފައިވާ ނިންމުންތައްވެސް ހިމެނޭ ކަމަށް ބަޔާނުގައި ބުނެފައިވެއެވެ. އަދި ބައެއް ފަރާތްތަކަށް ބައެއް ސެޓްލްމަންޓްތަކުގެ ޕާޓް ޕޭމަންޓްވެސް ހަދާފައިވީ ނަމަވެސ،ް މިސަރުކާރު ހަވާލުވުމަށްފަހ،ު ގެއްލުމުގެ ބަދަލު ނަގާދިނުމަށް އުފައްދާފައިވާ ސެޓްލްމަންޓް ކޮމިޓީ އުވާލައ،ި އެ ކޮމިޓީން ބެލި މައްސަލަތައ،ް ބަންޑާރަނައިބުގެ ލަފައާއެކު އަލުން މުރާޖަޢާ ކުރުމުގެ މަސައްކަތް ކުރަމުންދާ ކަމަށް މާލީ ވުޒާރާއިން ވަނީ ހާމަކޮށްފައެވެ.

އެހެންކަމުން މި ކަމާ ގުޅިގެން އިތުރު މަޢުލޫމާތު ސާފުކުރުމަށް ބޭނުންފުޅުވާނަމަ އެ މިނިސްޓްރީގެ އީމެއިލް ގެ ޒަރިއްޔާއިން http://mv.gov.finance@info މަޢުލޫމާތު ސާފުކުރެއްވުމަށް ވަނީ އަންގާފައެވެ.