ދަރުމަވަންތަ ހޮސްޕިޓަލްގެ ޑެޕިއުޓީ ސީއީއޯގެ މަގާމަށް ޑރ. ޝާހް މާހިރު އައްޔަން ކުރައްވައިފި އެވެ.

ރައީސް އިބްރާހީމް މުހައްމަދު ސާލިހްގެ ސަރުކާރުގައި ޑރ. ޝާހް ހުންނެވީ ހެލްތު މިނިސްޓްރީގެ ސްޓޭޓް މިނިސްޓަރެއްގެ މަގާމުގައެވެ. ނަމަވެސް ރިޔާސީ އިންތިހާބުގެ ކުރިން އޭނާ ވަނީ އެ މަގާމުން އިސްތިއުފާ ދެއްވުމަށްފަހު އަދި އޭރު ހުންނެވި ޖުމްހޫރީ ޕާޓީންވެސް ވަކިވެވަޑައިގެން ދަޑިމޮކްރެޓްސް އާއި ގުޅިވަޑައިގަންނަވާފައެވެ.

ޑރ. ޝާހް އަކީ ލަންޑަންގެ އިންޕީރިއަލް ކޮލެޖް އޮފް ސައިންސް، ޓެކްނޮލޮޖީ އެންޑް މެޑިސިން އިން މަތީ ތައުލީމް ހާސިލްކުރައްވާފައިވާ ބޭފުޅެކެވެ. އަދި ޑރ. ޝާހް އެމްބީބީއެސް ނިންމެވީވެސް އެ ޔުނިވާސިޓީ އިންނެވެ.

Advertisement

ޑރ. ޝާހް އަކީ އިންގްލެންޑްގެ ޖެނަރަލް މެޑިކަލް ކައުންސިލްގެ ލައިސެންސް ވެސް އޮންނަ ބޭފުޅެކެވެ. ޑރ. ޝާހް ވަނީ މީގެ ކުރިން ލަންޑަންގެ އެކި ހޮސްޕިޓަލުތަކުގައިވެސް މަސައްކަތް ކުރައްވާފައެވެ.