އިނގިރޭސިވިލާތުގެ އިރުދެކުނު ރޭލު ޓަނަލްތަކުގައި ފެންބޮޑުވުމުން ލަންޑަނާއި ޔޫރަޕްގެ އެހެން ޤައުމުތަކާ ގުޅުވާލާ ހުރިހާ ރޭލު ދަތުރުތަށް ކެންސަލް ކުރަން މަޖުބޫރުވެފައިވާ ކަމަށް ބައިނަލްއަގްވާމީ ރޭލް އޮޕަރޭޓަރު ޔޫރޯސްޓާ އިން ބުނެފި އެވެ.

ޔޫރޯސްޓާ އިން ފުރަތަމަ 14 ރޭލު ކެންސަލް ކުރި ނަމަވެސް ފެންބޮޑުވުން ދެމިއޮތުމުން މިއަދުގެ ހުރިހާ ހިދުމަތެއް (ޖުމްލަ 41 ރޭލު) ކެންސަލް ކުރަން ނިންމާފައިވާ ކަމަށް ބުނެފައިވެއެވެ.

ލަންޑަންގެ އިރުމަތީގައި އޮންނަ އެބްސްފްލީޓް ކައިރީގައި އޮންނަ ތޭމްސް ކޯރުގެ ދަށުގައި ހުރި ރޭލު ޓަނަލްތަކުގައި ފެންބޮޑުވީ ކޮން ސަބަބަކާ ހުރެ ކަމެއް އަދި ސާފެއް ނުވެއެވެ.

Advertisement

އިނގިރޭސިވިލާތުގެ ބައެއް ހިސާބުތަކަށް ފާއިތުވި ދުވަސްތަކުގައި ބޯކޮށް ވާރޭ ވެހިފައިވާއިރު، އިނގިރޭސިވިލާތުގެ ދެކުނުގައި ގަދަފަދަ ވައިރޯޅިއެއް އަރާނެ ކަމުގެ ރަސްމީ "ރީނދޫ އިންޒާރު" ވަނީ ދީފައެވެ.

ޓެލެވިޜަން ފޫޓޭޖުން ފެންނަ ގޮތުގައި ޓަނަލްއެއްގެ ތެރެއަށް ފެން ވަދެ އެއްކޮށް ބެދިފައިވާއިރު، ލަންޑަންގެ ސެއިންޓް ޕެންކްރަސް ސްޓޭޝަންގައި ލަގެޖް ތަކާއެކު ތާށިވެފައި ތިބި އެތައް ސަތޭކަ ފަސިންޖަރުންނެއް މަޑުކޮށްގެން ތިބިތަން ފެނެއެވެ.