ޕާކިސްތާނުގެ އިންތިޚާބީ އިދާރާއިން 2024 ވަނަ އަހަރުގެ ރައްޔިތުންގެ މަޖިލީހުގެ އިންތިހާބުގައި ވާދަކުރުމަށް ކުރީގެ ބޮޑުވަޒީރު އިމްރާން ޚާންގެ ނަން ބާތިލްކޮށްފިއެވެ.

އިމްރާން ޚާންގެ ޕާކިސްތާން ތަހުރީކް އިންސާފް (ޕީޓީއައި) ޕާޓީން ވަނީ ފެބްރުއަރީ މަހު ބާއްވާ އިންތިޚާބުގައި ގިނަ ކެންޑިޑޭޓުން ބައިވެރިވުން ހުއްޓުވާފައިވާ ކަމަށް ތުހުމަތުކޮށްފަ އެވެ.

ކޮރަޕްޝަންގެ ކުށުގައި ތިން އަހަރުގެ ޖަލު ހުކުމެއް ތަންފީޒު ކުރަމުން އަންނަ އުމުރުން 71 އަހަރުގެ ކުރީގެ ކްރިކެޓް ތަރި އަށް ޕާކިސްތާނުގެ އިލެކްޝަންސް ކޮމިޝަން (އީސީޕީ) އިން ފަސް އަހަރަށް ސިޔާސީ މައިދާނަށް ނުކުތުން ވަނީ މަނާކޮށްފައެވެ. ނަމަވެސް ހުކުރު ދުވަހު ވަނީ ނަން ހުށަހަޅުއްވައިފައެވެ.

Advertisement

އޭނާގެ މީޑިއާ ޓީމުން ބުނެފައިވާ ގޮތުގައި ޚާންގެ ނޮމިނޭޝަން ބިޑް ވެސް އޭނާގެ އުފަން ރަށް ޕަންޖާބު ޕްރޮވިންސްގެ މިއަންވާލީގައި ވަނީ ބާތިލްކޮށްފައެވެ.

ވެރިކަމުގައި ހުންނަވައިގެން ގާނޫނާ ހިލާފަށް ދައުލަތުގެ ހަދިޔާ ވިއްކި ކަމަށް ތުހުމަތު ކުރެވޭ ކޮރަޕްޝަންގެ މައްސަލައިގައި އޮގަސްޓް މަހު ޖަލަށް ލެއްވި ފަހުން އާންމުންގެ ތެރެއިން ފެނިފައި ނުވެއެވެ.

މިދިޔަ ހަފްތާގައި ކަފާލާތުގެ ދަށުން ސުޕްރީމް ކޯޓުން އޭނާ ވަނީ ދޫކޮށްލައިފައެވެ.