ރާއްޖެއަށް ކުރަމުންދާ ވިއްސާރައިގައި، މާލެ އަތޮޅުގެ ފަޅެއްގައި އަޅާފައި އޮތް މަންޓާ އެއަރގެ ސީޕްލޭނަކަށް ބޮޑެތި ގެއްލުންތަކެއްވެއްޖެއެވެ.

ސޯޝަލް މީޑިއާގައި ދައުރުވަމުންދާ ވީޑިއޯއިން ފެންނަ ގޮތުން ސީޕްލޭންގެ ކުރީކޮޅު އެއްކޮންހެން ކަހަލަ ގޮތަކަށް ވަނީ ބޭނުން ނުކުރެވޭވަރަށް ހަލާލުވެފައެވެ.

މަންޓާ އެއަރއިން ބުނީ، މި ޙާދިސާ ހިނގާފައިވަނީ މިދިޔަ ބުދަ ދުވަހުކަމަށެވެ. އަދި ސީޕްލޭނަށް ގެއްލުން ވެފައިވަނީ ފަޅުގައި އަޅާފައި އޮއްވާ ކަނޑުގަދަވުމުގެ ސަބަބުން ޕްލެޓް ފޯރމުގައި އައްސާފައި އޮތް ވާގަނޑު ކަނޑައިގެން ދިއުމުގެ ސަބަބުންކަމަށެވެ.

Advertisement

މަންޓާއިން ބުނީ މި ހާދިސާގައި އެއްވެސް މީހަކަށް ގެއްލުންވެފައި ނުވާކަމަށެވެ. އަދި ވިއްސާރައާއި ގަދަވައިގެ ސަބަބުން ހަލާކުވި ބޯޓު މަރާމާތު ކުރުމުގެ މަސައްކަތް މިހާރު ކުރަމުންދާ ކަމަށެެވެ.

ރާއްޖެއަށް މިހާރު ކުރަމުންދާ ވިއްސާރައަކީ ރާއްޖެ ހިމެނޭ ސަރަހައްދުގައި ދަތުރުކުރާ ކޮޅިިގަނޑެއްގެ ސަބަބުން ކުރަމުންދާ ވިއްސާރައެއްކަމަށް މެޓް އޮފީހުން ވަނީ ވިދާޅުވެފައިވިއެވެ.