ޙޫޘީން ފޮނުވާލި އެންޓި ޝިޕް ބެލިސްޓިކް މިސައިލެއް އެމެރިކާގެ ކޮންޓެއިނަރު ބޯޓެއްގައި ޖެހިފައިވާ ކަމަށް އެމެރިކާގެ ސެންޓްރަލް ކޮމާންޑުން ނެރުނު ބަޔާނެއްގައި ބުނެފިއެވެ.

މާޝަލް އައިލެންޑްސްގެ ދިދަ ޖަހާފައިވާ، އެމެރިކާގެ މިލްކުވެރިކަމުގައި ހިންގާ ކޮންޓެއިނަރު ބޯޓެއް ކަމަށްވާ އެމް/ވީ ޖިބްރޯލްޓާ އީގަލް ބޯޓަށް މާބޮޑު ގެއްލުމެއް ލިބިފައި ނުވާ ކަމަށް އެމެރިކާގެ ސެންޓްރަލް ކޮމާންޑުން ނެރުނު ބަޔާނުގައި ވެއެވެ.

ޔަހޫދީންނާ ގުޅުން އޮންނަ ކުންފުނިތަކުން ރަތް ކަނޑުގައި ދަތުރުކުރާ ބޯޓުތަކަށް ތަކުރާރުކޮށް ހަމަލާދޭތީވެ، ޙޫޘީންނާއި ދެކޮޅަށް ހަނގުރާމަ ކުރުމުގެ ހުއްދަ ރައީސް ބައިޑަން މިދިޔަ ހަފްތާގައި ވަނީ ދީފައެވެ. ޣައްޒާގައި ހަމާސްއަށް އިސްރާއީލުން ދެމުންދާ ހަމަލާތައް ކުރިއަށްދާއިރު، ހޫޘީންގެ އަމަލުތަކާއި އެމެރިކާގެ ރައްދުގެ ސަބަބުން މެދުއިރުމަތީގައި އިތުރު ހަނގުރާމައެއް ހިނގައިދާނެ ކަމުގެ ކަންބޮޑުވުންތައް ވަނީ އުފެދިފައެވެ.

Advertisement