ހިސާރުކޮށްފައިވާ ހުޅަނގު އައްސޭރީގައި އިސްރާއީލުން ދިހަވަރަކަށް އަހަރު ތެރޭގައި ހިނގި އެންމެ ބޮޑު ހަމަލާގައި ފަލަސްތީނުގެ 10 މީހަކު ވަނީ މަރާލާފައެވެ.

ވައިގެ ހަމަލާތަކާއި އެކު އިސްރާއީލުގެ 1،000 އަށް ވުރެ ގިނަ ސިފައިން ވަނީ އިއްޔެގެ ވަގުތެއްގައި ޖެނިން ރެފިއުޖީ ކޭމްޕަށް ހަމަލާދީ އިތުރު 100 އެއްހާ މީހުން ޒަހަމް ކޮށްލާފައެވެ.

ފަލަސްތީނުގެ ރައީސް މަހްމޫދު އައްބާސް ސިފަކުރެއްވީ "ހަނގުރާމައިގެ ޖަރީމާއެއް" އެއްގެ ގޮތުގައެވެ.

Advertisement

އިސްރާއީލުން ހިންގި އޮޕަރޭޝަނާ ދެކޮޅަށް މުޒާހަރާ ކުރުމަށް ހުޅަނގު އައްސޭރީގެ ހުރިހާ ހިސާބެއްގައި ހުރި އޮފީސްތަކާއި ވިޔަފާރިތައް މިއަދު ބަންދުވާނެ ކަމަށް ބެލެވެ އެވެ.

ފަލަސްތީނުގެ ރެޑް ކްރެސެންޓުން ބުނީ ބައި އަކަކިލޯމީޓަރަށް ވުރެ ކުޑަ ސަރަހައްދެއްގައި 14،000 އެއްހާ މީހުން ދިރިއުޅޭ ޖެނިން ކޭމްޕުން ގާތްގަނޑަކަށް 3،000 މީހުން ނެރެފައިވާ ކަމަށެވެ.