ރަސްމީ ދަތުރުފުޅެއްގައި ރައީސް ޑރ. މުހައްމަދު މުއިއްޒު، ޔުނައިޓެޑް އަރަބް އެމިރޭޓްސް (ޔޫއޭއީ) އަށް  މާދަމާ ފުރާވަޑައިގަންނަވަން ނިންމަވައިފިއެވެ.

ވޯލްޑް ގަވާމަންޓްސް ސަމިޓްގައި ބައިވެރިވެވަޑައިގަތުމަށް ކުރައްވާ މި ދަތުރުފުޅުގައި އެމަނިކުފާނު ފުރާވަޑައިގަތުމަށް ހަމަޖެހިފައިވަނީ މާދަމާ ހަވީރުގެ ވަގުތެއްގައެވެ.

މި މަހުގެ 12 އިން 14 އަށް ބާއްވާ އެ ސަމިޓު ނިންމަވާލެއްވުމަށްފަހު ރައީސް މާލެ ވަޑައިގަތުމަށް ހަމަޖެހިފައިވަނީ މި މަހުގެ 15 ވަނަ ދުވަހުއެވެ.

Advertisement

އެމަނިކުފާނުގެ މި ދަތުރުފުޅުގައި ދިވެހި ސަރުކާރުގެ މަތީފަންތީގެ ވަފުދެއް ވެސް ބައިވެރިވެވަޑައިގަންނަވާގޮތަށް ވަނީ ހަމަޖެހިފައެވެ.

ރައީސް ޑރ. މުހައްމަދު މުއިއްޒު ރައީސް ކަމާ ހަވާލުވެވަޑައިގެންނެވި ފަހުން މީގެކުރިން ވެސް ވަނީ ޔޫއޭއީ އަށް ވަޑައިގެންފައެވެ. އެއީ ތުރުކީއަށް ކުރެއްވި ދަތުރުފުޅަށްފަހު، ކޮޕް 28 ސަމިޓްގައި ބައިވެރިވެވަޑައިގަތުމަށެވެ.

ރައީސް ރަސްމީ ދަތުރުފުޅެއްގައި އެންމެ ފަހުން ވަޑައިގެންނެވީ ޗައިނާއަށެވެ.