އެމެރިކާގެ އަސްކަރިއްޔާއިން ބުނެފައިވަނީ ސީރިއާގެ އިރުމަތީގައި އޮންނަ އައިއެސްއައިއެލް (އައިއެސްއައިއެސް) ޖަމާއަތުގެ ލީޑަރު ޑްރޯން ހަމަލާއެއްގައި މަރާލާފައިވާ ކަމަށެވެ.

އެމެރިކާގެ ސެންޓްރަލް ކޮމާންޑުން އާދީއްތަ ދުވަހު ނެރުނު ބަޔާނެއްގައި ބުނެފައި ވަނީ ހުކުރު ދުވަހު ދީފައިވާ ހަމަލާއެއްގައި އުސާމާ އަލް މުހާޖަރު މަރުވެފައިވާ ކަމަށެވެ.

"މުޅި މިސަރަހައްދުން އައިއެސްއައިއެލް ބަލިކުރުމަށް ވައުދުވެފައިވާކަން އަޅުގަނޑުމެން ސާފުކޮށްދީފިން،" އެމެރިކާގެ ސެންޓްރަލް ކޮމާންޑް (ސެންޓްކޮމް) ގެ ޗީފް ޖެނެރަލް މައިކަލް ކުރިލާ ވަނީ ވިދާޅުވެފައެވެ.

Advertisement

"އައިއެސްއައިއެލް އަކީ އަދިވެސް ނުރައްކަލެއް، ހަމައެކަނި މި ސަރަހައްދަށް ނޫން ނަމަވެސް މާ ދުރަށް ވެސް،" އޭނާ އިތުރަށް ވިދާޅުވި އެވެ.

ސެންޓްކޮމް އިން ބުނާ ގޮތުގައި މި އޮޕަރޭޝަންގައި އެއްވެސް އާންމު މީހަކު މަރުވެފައި ނުވައިކަމަށެވެ.