އެމްއެންޑީއެފް ފަޔަރ އެންޑް ރެސްކިޔު ސަރވިސްއިން އަމީރު އަޙްމަދު ސްކޫލުގެ ސްޓަރ ދަރިވަރުންނަށް ފަޔަރ އެވެއަރނަސް ކުލާހެއް ކުރިއަށް ގެންގޮސްފިއެވެ.

އަމީރު އަޙްމަދު ސްކޫލުގައި ކުރިއަށް ގެންދިޔަ މި ކުލާހުގައި އެ ސްކޫލުގެ 30 ސްޓަރ ދަރިވަރުންނާއި ހަތަރު މުދައްރިސުން ބައިވެރިވިއެވެ.

މި ފަޔަރ އެވެއަރނަސް ކުލާހުގައި ސްކޫލާއި ގޭތެރޭގެ މާހައުލުގައި ދަރިވަރުން އުޅޭއިރު އަލިފާނުގެ ހާދިސާއިން ރައްކާތެރިވުމަށް އެޅިދާނެ ފިޔަވަޅުތަކާ ބެހޭގޮތުން ދަރިވަރުންނަށް ވަނީ މަޢުލޫމާތު ފޯރުކޮށްދީފައެވެ.

Advertisement

އެގޮތުން ހަށިގަނޑުގައި އަލިފާން ރޯވެއްޖެނަމަ ހަދާނެގޮތް (ސްޓޮޕް، ޑްރޮޕް، ރޯލް) ދަރިވަރުންނަށް ކިޔައިދީ، ދަރިވަރުން ލައްވާ ވަނީ ފަރިތަކުރުވާފައެވެ.

މި ކުލާހުގައި ދަރިވަރުންނަށް މަޢުލޫމާތު ފޯރުކޮށްދިނީ، އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ސިފައިންނެވެ.