އެމްއެންޑީއެފް ފަޔަރ އެންޑް ރެސްކިޔު ސަރވިސް އިން ދަރުމަވަންތަ ސްކޫލުގެ ދަރިވަރުންނަށް ފަޔަރ އެވެއާނަސް ސެޝަނެއް ކުރިއަށް ގެންގޮޮސްފިއެވެ.

އެ އިދާރާ އިން މި ސެޝަން ކުރިއަށް ގެންގޮސްފައިވަނީ ދަރުމަވަންތަ ސްކޫލުގެ ގްރޭޑް 4 އަދި 5 ގެ ލިޓްލްމެއިޑް ދަރިވަރުންނަށެވެ.

އެ ސްކޫލުގައި މިއަދު ހެނދުނު ކުރިއަށްދިޔަ މި ސެޝަންގައި އެ ސްކޫލުގެ 50 ދަރިވަރުން ބައިވެރިވިއެވެ.

Advertisement

މި ސެޝަންގައި ކިޔަވައިދީފައިވާ ބައިތަކުގެ ތެރޭގައި ފަޔަރ ސޭފްޓީ، އަލިފާނުގެ ހާދިސާތަކުން ރައްކާތެރިވާނެ ގޮތްތައް ދެނެގަތުން، އަލިފާން ރޯވެފައިވާ މީހަކު ފެނިއްޖެނަމަ އަމަލުކުރާނެ ގޮތާއި އަމިއްލަ ގައިގައި އަލިފާން ރޯވެއްޖެނަމަ ޢަމަލުކުރާނެ ގޮތުގެ އިތުރުން އަލިފާނުގެ ސަބަބުން ފިހޭ ގޮތްތައް ވެސް ކިޔަވައިދީފައިވެއެވެ.

މި ސެޝަންތަކުގައި ދަރިވަރުންނަށް މަޢުލޫމާތުދީފައި ވަނީ އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރފައިޓަރުންނެވެ.