ރާއްޖެއަށް 130 ކިލޯގެ މަސްތުވާތަކެތި އެތެރެކުރި މައްސަަލާގައި ދައުވާ ލިބޭ ޝަހީބު އިބްރާހިމް އިއްޔެ ބަންދުން ދޫކޮށްލައިފި އެވެ.

އޮކްޓޫބަރު، 2020 ގައި ކަނޑުމަގުން ރާއްޖެ އެތެރެކުރި 130 ކިލޯގެ ޑްރަގުގެ މައްސަލާގައި ޝަހީބުގެ އިތުރުން ހއ. ހޯރަފުށީ ވައިލެޓްވިލާ އަހްމަދު މޫސާ އަށް ވެސް ދައުވާކުރެ އެވެ.

ޝަހީބު ދޫކޮށްލީ ޝަރީއަތް ނިމެންދެން ބަންދުގައި ބެހެއްޓުމަށް ކުރި އަމުރު މުރާޖައާކުރުމަށް އޭނާގެ ފަރާތުން ހުށަހެޅުމުން އެކަން ބެލުމަށް ފަހުގަ އެވެ.

Advertisement

ބޭސްފަރުވާއަށް މީގެ ކުރިން ވެސް ޝަހީބު ދޫކޮށްލި އެވެ. އެކަމަކު، އެ އަމުރު އިސްތިއުނާފް ކުރުމުން އަމުރު ބާތިލްކުރުމުން އަނެއްކާ ހައްޔަރުކުރީ އެވެ.

ޝަހީބު ދޫކޮށްލަން ގާޒީ އަލީ ނަދީމް ރިއާޔަތްކުރެއްވި ކަންކަމުގެ ތެރޭގައި މި މައްސަލައިގައި އޭނާގެ ބައިވެރިވުން އޮތް މިންވަރުން ޝަހީބުގެ ފަރާތުން މުޖުތަމައުއަށް ނުރައްކާވާނެ ކަމަށް ބެލެވެން ނެތުން ހިމެނެ އެވެ. އަދި ބާކީ ތިބި ހެކިންނަށް ނުފޫޒު ފޯރުވޭނެ ކަމަށް ނުފެންނަ ކަމަށް ވެސް އަމުރުގައިވެ އެވެ.

މީގެ އިތުރުން ވެސް، ޝަހީބުގެ ފަރާތުން ހުށަހެޅި ގިނަ ކަންކަން ޝަރީއަތުން ވަނީ ބަލައިގެންފަ އެވެ.

އޭނާ ދޫކޮށްލީ އެއްވެސް ޝަރުތެއް ނެތި އެވެ