ރޯދަމަސް ނިމެންދެން ސްކޫލް ކުދިންނަށް ހާއްސަ ބަހެއް ހިޔާ ސްޓޮޕް 1ގައި އޮންނާނެކަމަށް އެމްޓީސީސީން ބުނެފިއެވެ.

ރޯދަ މަހުގެ ނިޔަލަށް، ރަސްމީ ބަންދު ދުވަސް ނޫން ދުވަސްތަކުގައި، R7 އަދި R8 މި ދެ ރޫޓުގައި ސްކޫލް ކުދިންނަށް ހާއްސަކުރެވިފައިވާ ބަހެއް ހެނދުނު 08:05 ގައި ދަތުރުކުރުމަށް ހިޔާ ފްލެޓު ސްޓޮޕް އެކެއްގައި 07:50 އިން ފެށިގެން ތައްޔާރަށް އޮންނާނެ ކަމަށް އެމްޓީސީސީން ވަނީ ބުނެފައެވެ.

މި ބަސްތަކުގައި ދަރިވަރުންގެ އިތުރުން ކޮންމެ ކުއްޖަކާ އެކު އެއް ބެލެނިވެރިއަކަށް ދަތުރުކުރެވޭނެ ކަމަށް އެމްޓީސީސީން ބުނެއެވެ.

Advertisement

އިތުރު މައުލޫމާތު ހޯދުމަށް އެ ކުންފުނީގެ ހޮޓްލައިން ނަންބަރު 1650 އަށް ގުޅުމަށް އެމްޓީސީސީން އެދެއެވެ.