ފުވައްމުލަކު ސިޓީގައި އާ މިސްކިތެއް ހުޅުވައިފިއެވެ.

މަސްޖިދުލް ހުދާގެ ނަމުގައި މި މިސްކިތް ބުރާސްފަތި ދުވަހު ހުޅުވައިދެއްވީ އިސްލާމީ މަރުކަޒުގެ އިސް އިމާމު ޝައިހު މުޙައްމަދު ލަތީފުއެވެ.

އިސްލާމިކް މިނިސްޓްރީން ބުނީ ދެ ފަންގިފިލާއަށް އިމާރާތް ކޮށްފައިވާ މި މިސްކިތުގައި އެއްފަހަރާ 450 މީހުންނަށް ނަމާދު ކުރެވޭނެ ކަމަށެވެ.

Advertisement

މި މިސްކިތުގެ ޢަމަލީ މަސައްކަތް ފަށާފައިވަނީ 2021 ވަނަ އަހަރުގެ އޮކްޓޫބަރު މަހުގެ ތެރޭގައެވެ. އަދި މި މިސްކިތް އިމާރާތް ކުރުމަށް ދައުލަތުގެ ބަޖެޓުން 8.7 މިލިއަން ރުފިޔާ ހޭދަކޮށްފައިވެއެވެ.

ފުވައްމުލަކުގައި ހުޅުވި މިމިސްކިތަކީ ޒަމާނީ ފަރުމާއަކަށް ތަރައްޤީކޮށްފައިވާ ރީތި މިސްކިތެކެވެ. އަދި މިމިސްކިތް ފަރުމާކޮށްފައިވަނީ މަލެއްގެ ބައްޓަމަށެވެ.

ރަމަޟާން މަހާ ދިމާކޮށް ވަގުތީ މިސްކިތްތައް ހުޅުވަމުން ދާއިރު، އަތޮޅުތެރޭގެ އިތުރުން މާލެސިޓީގައި ވެސް މިސްކިތްތައް ދަނީ ހުޅުވަމުންނެވެ.