ޕޮލިސް ކޯޕަރޭޓިވް ސޮސައިޓީ (ޕޮލްކޯ)ގެ ޗީފް އެގްޒެކެޓިވް އޮފިސަރަކަށް އިންސްޕެކްޓަރ އޮފް ޕޮލިސް އަޙުމަދު އަނީސް އައްޔަންކުރައްވައިފިއެވެ.

މޯލްޑިވްސް ޕޮލިސް ސަރވިސްގެ އެކި ވިޔަފާރި ހަރަކާތްތައް ބަލަހައްޓާ ޕޮލްކޯގެ ސީއީއޯގެ މަޤާމު ހުސްކޮށް އޮންނަތާ ގިނަ ދުވަސްތަކެއް ވަނީ ވެފައެވެ. މީ ޕޮލިހުންގެ އެގްޒެކެޓިވް އޮފިސަރުންގެ ތެރޭގައި ނުހިމެނޭ މިމަޤާމަށް އައްޔަންކުރި ފުރަތަމަ ފަހަރެވެ.

ފުލުހުންގެ ވަޒީފާގައި އަނީސް ޚިދުމަތް ކުރައްވާތާ މިހާރު 20 އަހަރަށްވުރެ ގިނަ ދުވަސް ވެއްޖެއެވެ. އަނީސް ވަނީ ޝަރީޢާ އަދި ޤާނޫނީ ދާއިރާއިން ފުރަތަމަ ޑިގްރީ ހާސިލްކުރައްވުމަށްފަހު ބިޒްނަސް އެޑްމިނިސްޓްރޭޝަންގެ ދާއިރާއިން މާސްޓަރސް ޑިގްރީ ހާސިލްކުރައްވާފައެވެ.

Advertisement

އަނީސް ފާހަގަކުރެވިފައިވަނީ ތަޙުޤީޤީ ދާއިރާއިން ފުންނާބު އުސް ފަރާތެއްގެ ގޮތުގައެވެ. އެގޮތުން އަނީސް ވަނީ ތަހުގީގީ ދާއިރާއިން ދިވެހި ބަހުން ލިޔެ ފޮތެއްވެސް ޝާޢިއުކޮށްފައެވެ.

ޕޮލްކޯގެ ޗެއާރޕާސަންގެ މަޤާމުގައި މިވަގުތު ހުންނެވީ މުޙައްމަދު ބަޝީރުއެވެ. ޕޮލްކޯ ހިންގަނީ 9 މެންބަރުންގެ މައްޗަށް އެކުލަވާލާފައިވާ ސްޓިއަރިންގ ކޮމިޓީއަކުންނެވެ.