ޖުމްހޫރީ ޕާޓީ (ޖޭޕީ) ގެ ލީޑަރު އަދި ރިޔާސީ ކެންޑިޑޭޓު ގާސިމް އިބްރާހިމް އާއި މޯލްޑިވްސް ނެޝަނަލް ޕާޓީ (އެމްއެންޕީ) ގެ ރައީސް އަދި ރިޔާސީ ކެންޑިޑޭޓު މުހައްމަދު ނާޒިމްގެ ކުއްލި ބައްދަލުވުމެއް ސަން އައިލެންޑްގައި ހިނގަމުން އެބަދެއެވެ.

ނާޒިމް އާއި އެމްއެންޕީގެ އިސް ބޭފުޅުން ހިމެނިވަޑައިގަންނަވާ ޓީމެއް ސަން އައިލެންޑަށް ވަޑައިގަތީ މިއަދު ހެނދުނެވެ. އެބޭފުޅުންނަށް ގާސިމް ވަނީ އެއާޕޯޓުން މަރުހަބާ ދަންނަވައިފައެވެ.

ނާޒިމްއާ އެކުގައި ސަން އައިލެންޑަށް ވަޑައިގެންނެވި އެމްއެންޕީގެ އިސް ބޭފުޅުންގެ ތެރޭގައި އެމްއެންޕީގެ ނައިބު ރައީސް އަބްދުﷲ ރިޔާޒާއި ރައްޔިތުންގެ މަޖިލިހުގެ ވިލިމާލެ ދާއިރާގެ މެމްބަރު އަހުމަދު އުޝާމް ވެސް ހިމެނިވަޑައިގަންނަވައެވެ.

Advertisement

ގާސިމާއި ނާޒިމަކީ ކުރިއަށް އޮތް ސެޕްޓެމްބަރު 9 ވަނަ ދުވަހު އޮންނަ ރިޔާސީ އިންތިހާބުގައި ވާދަކުރައްވާ ދެ ބޭފުޅުންނެވެ. މިއީ ރިޔާސީ އިންތިހާބުގެ ކެމްޕެއިން ދުވަސްވަރު، މި ދެ ބޭފުޅުން ބައްދަލު ކުރައްވާ ފުރަތަމަ ފަހަރެވެ.