މި އަހަރު މުދަލު ޒަކާތުގެ ގޮތުގައި ލިބުނު ފައިސާ އިން 26.8 މިލިއަން ރުފިޔާ ފަގީރުންނަށް އިއްޔެ ބަހައިފި އެވެ.

އިސްލާމިކް މިނިސްޓްރީން ބުނީ މި އަހަރު މުދަލު ޒަކާތުގެ ގޮތުގައި ލިބުނު ފައިސާ ފަގީރުންނާއި މިސްކީނުންގެ ދަފުތަރުގައި ރަޖިސްޓްރީވެފައިވާ މީހުންގެ އެކައުންޓްތަކަށް މިހާރު ޖަމާކޮށްފައިވާ ކަމަށެވެ. އެ މީހުންނަށް މުޅި ޖުމްލަ 26،799،500ރ. ބަހާފައިވާ ކަމަށް މިނިސްޓްރީން ބުންޏެވެ.

އެއީ ފަގީރުންގެ ލިސްޓުގައި ހިމެނޭ 7،657 މީހަކަށް، ބޮލަކަށް 3،500ރ. ގެ މަގުން ކަމަށް މިނިސްޓްރީން ބުންޏެވެ.

Advertisement

މި އަހަރު މުދަލު ޒަކާތުގެ ގޮތުގައި ލިބުނު ޖުމްލަ ފައިސާގެ އަދަދު މިނިސްޓްރީން އަދި ހާމައެއް ނުކުރެ އެވެ. މިދިޔަ އަހަރު މުދަލު ޒަކާތުގެ ގޮތުގައި 92 މިލިއަން ރުފިޔާ ލިބުނެވެ.