އޮގަސްޓް މަހު ރިލީޒް ކުރަން ހަމަޖެހިފައިވާ ތެލެގޫ ފިލްމު "ޕުޝްޕާ 2: ދަ ރޫލް" އިން ދެވަނަ ލަވައެއް އާންމުކޮށްފި އެވެ.

ލަވައިގެ ރަސްމީ ވީޑިއޯގެ ބަދަލުގައި އާންމުކޮށްފައި ވަނީ ލަވައިގެ ޝޫޓިންގެ ތެރޭގެ މަންޒަރުތަކެވެ. އެގޮތުން ފިލްމުގެ ލީޑް ތަރިން ކަމަށްވާ އައްލޫ އަރުޖުން އާއި ރަޝްމިކާ މަންދަނާގެ ނެށުންތަކެއް ފެނިގެންދާނެ ލަވައިގެ ސެޓްގެ އެކިއެކި ހަރަކާތްތައް ދައްކުވައި ދީފައިވެ އެވެ.

މި ލަވައިގެ ހިންދީ ވާޝަނުގެ ނަމަކީ "އަންގާރޯ" އެވެ. އަދި ލަވަ ކިޔާފައި ވަނީ ޝްރެޔާ ގޯޝާލް އެވެ. ދޭވީ ސްރީ ޕްރަސާދުގެ މިއުޒިކަށް ހަދާފައިވާ ލަވައިގެ ނެށުން ތައްޔާރުކޮށްފައި ވަނީ ގަނޭޝް އަޗާރިއާ އެވެ.

Advertisement

"ޕުޝްޕާ 2" އަކީ 2021 ގައި ރިލީޒްކުރި މި ފިލްމުގެ ފުރަތަމަ ބަޔާ އެއްގޮތަށް އިންޑިއާގައި ވާހަކަ ދައްކައި އުޅޭ މައިގަނޑު ހުރިހާ ބަހަކުން ގެނެސްދޭނެ ފިލްމެކެވެ.

މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "ޕުޝްޕާ 2" ސިނަމާތަކަށް އަންނާނީ އޮގަސްޓް 15 ގަ އެވެ. މީގެ ޑައިރެކްޓަރަކީ ފުރަތަމަ ބައި ވެސް ގެނެސްދިން ސުކްމާރެވެ.