އިމިގްރޭޝަންގެ އޮފިސަރުންނަށް ޗައިނާ ބަސް ކިޔަވައިދޭން ކޯހެއް ފަށައިފި އެވެ.

ވިލާ ކޯލެޖުގެ ޗައިނީޒް ލެންގުއޭޖް ސެންޓަރުގައި އެ ކޯސް ފެށުމުގެ ރަސްމިއްޔާތު އިއްޔެ ވަނީ ބާއްވާފަ އެވެ. މި ކޯހުގައި ފުރަތަމަ ބެޗް ގައި ކިޔަވައި ދެނީ އިމިގްރޭޝަންގެ 17 އޮފިސަރުންނަށެވެ.

ޗައިނާ އިން ރާއްޖެއަށް ކަނޑައަޅާފައި ހުންނަވާ ސަފީރު ވަން ލީޝިން ވިދާޅުވީ މި ކޯހުގެ ސަބަބުން އިމިގްރޭޝަންގެ އޮފިސަރުންނަށް ޗައިނާ ބަސް އަދި އެގައުމުގެ ސަގާފަތާއި ގުޅޭ ކަންކަން މިހާރަށް ވުރެ ބޮޑަށް ދަސްވާނެ ކަމަށް އުއްމީދުކުރައްވާ ކަމަށެވެ.

Advertisement

ރައީސް ޑރ. މުހައްމަދު މުއިއްޒު މިދިޔަ ޖެނުއަރީ މަހު ޗައިނާ އަށް ކުރެއްވި ރަސްމީ ދަތުރުފުޅުގައި ވަނީ އެގައުމާއެކު 20 އެއްބަސްވުމެއްގައި ސޮއިކޮށްފަ އެވެ. އޭގެތެރޭގައި ފަންނީ ދާއިރާތަކުން މީހުން ބިނާކުރުމާއި އިޖުތިމާއީ، އިގުތިސާދީ، ޓެކްނޮލޮޖީ ގުޅުންތައް ވަރުގަދަ ކުރުމާ ގުޅޭ އެއްބަސްވުންތަކެއް ވެސް ހިމެނެ އެވެ.