ފަލަސްތީނަށް އެހީވާން މިއަދު ކުރިއަށްދާ ޓެލެތޯނަށް އެމް.އެން.ޑީ.އެފްގެ ފަރާތުން 2,169,826.32ރ ރުފިޔާ ހަދިޔާކޮށްފަ އެވެ.

މިއީ މިހާތަނަށް އެއް މުއައްސަސާއަކުން ޓެލެތޯނަށް ހަދިޔާކުރި އެންމެ ބޮޑު އަދަދެވެ.

ސިފައިންގެ ފަރާތުން ހަދިޔާކުރި މި ފައިސާގެ އެހީ އެ ފަންޑަށް ހަވާލު ކޮށްދެއްވީ، ޗީފް އޮފް ޑިފެންސް ފޯސް، މޭޖާ ޖެނެރަލް އިބްރާހީމް ހިލްމީ އެވެ. ޗީފް އޮފް ޑިފެންސް ފޯސްގެ އަރިހުގައި ޑިފެންސް މިނިސްޓަރު މުހައްމަދު ޣައްސާން މައުމޫނާއި ވައިސް ޗީފް އޮފް ޑިފެންސް ފޯސް، ބްރިގޭޑިއަ ޖެނެރަލް އަހްމަދު ޣިޔާސް ވެސް ބައިވެރިވެ ވަޑައިގެންނެވި އެވެ.

Advertisement

ދައުލަތުގެ މީޑިއާ ޕީއެސްއެމުން ކުރިއަށް ގެންދާ "ފަލަސްތީނާ އެކީ ދިވެހީން" ޓެލެތޯން ފެށީ ހެނދުނު 8:00 ގަ އެވެ. މި ހަރަކާތް މިރޭ 12:00 އާ ހަމައަށް ކުރިއަށް ދާނެ އެވެ.

މި ޓެލެތޯނަށް ފައިސާ ހަދިޔާކުރަން މާލެ ސަރަހައްދުގެ އެކި ތަންތަނުގައި ޖުމްލަ 13 ފަންޑްފޮށި ބަހައްޓާފައިވާ އިރު، މި ޓެލެތޯނަށް ހާއްސަ ދެ އެކައުންޓް އެކައުންޓް ނަމްބަރަށް ފައިސާ ވެސް ޓްރާންސްފާ ކުރެވޭނެ އެވެ. އެގޮތުން ފައިސާ ފައިސާ ޖަމާކުރާނީ 7730000655865 އެކައުންޓަށެވެ. އަދި ޑޮލަރުން ނަމަ މި 7730000655866 އެކައުންޓަށެވެ.

މިހާތަނަށް ވަރަށް ގިނަ ކުންފުނިތަކާއި މުއައްސަސާތަކުން ފައިސާ ހަދިޔާކޮށްފައިވެ އެވެ.