ރަޢީސުލްޖުމްހޫރިއްޔާ ޑރ. މުޙައްމަދު މުޢިއްޒު ދިވެހި ޙައްޖުވެރިންގެ ޙާލު ބައްލަވާލައްވައިފިއެވެ. އެމަނިކުފާނު ދިވެހި ޙައްޖުވެރިންގެ ހާލު ބެއްލެވީ މިއަދު ފޯނުން ގުޅުއްވައެވެ.

ރައީސުލްޖުމްހޫރިއްޔާ ވަނީ ދިވެހި ޙައްޖުވެރިންގެ ހާލު ބައްލަވާލައްވައި، ޙައްޖު ދުވަހުގެ ހެޔޮއެދުންތައް ހުރިހާ ޙައްޖުވެރިންނަށް ފޮނުއްވަވާފައެވެ. އަދި ހުރިހާ ޙައްޖުވެރިންނަށް މަބްރޫރު ޙައްޖަކަށް އެމަނިކުފާނު އެދެވަޑައިގެންނެވިއެވެ.

މިއަހަރުގެ ޙައްޖުގެ އަޅުކަން އަދާކުރުމަށް ރާއްޖެއިން 1150 މީހުން ވަނީ މައްކާއަށް ގޮސްފައެވެ. މީގެތެރޭގައި ރައީސުލްޖުމުހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދުފުޅުގެ ތެރެއިން ފަގީރުންގެ ދަފްތަރުގައި ހިމެނޭ 1000 މީހުން މި 5 އަހަރު ދުވަހުގެ ތެރޭގައި ޙައްޖަށް ފޮނުވުމަށް ވެވަޑައިގެންނެވި ވަޢުދުގެ ދަށުން ފޮނުވި 50 މީހުންވެސް ހިމެނެއެވެ.

Advertisement

މިއަހަރު ދިވެހި ޙައްޖުވެރިންނާއެކު އަމީރުލް ޙައްޖުގެ ގޮތުގައި ވަޑައިގެންނެވީ ތަޢުލީމީ ވަޒީރު ޑރ. އިސްމާޢިލް ޝަފީޢުއެވެ. ތަޢުލީމީ ވަޒީރުގެ އިތުރުން އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢިދުވެސް މިއަހަރުގެ ދިވެހި ހައްޖު މިޝަންގައި ބައިވެރިވެވަޑައިގަންނަވައެވެ.