ރައީސް ޑރ. މުހައްމަދު މުއިއްޒަށް 46 އަހަރު ފުރިވަޑައިގަތުމާ ގުޅިގެން، ޗައިނާގެ ރައީސް ޝީ ޖިންޕިން ހާއްސަ ސިޓީފުޅެއް އެމަނިކުފާނަށް ފޮނުއްވައިފި އެވެ.

ޗައިނާގެ ރައީސް ފޮނުއްވި ސިޓީފުޅު ރައީސް މުއިއްޒަށް އެރުއްވީ، ޗައިނާ ސަރުކާރުން ރާއްޖެއަށް ކަނޑައަޅާފައި ހުންނަވާ ސަފީރު ވަން ލީޝިން އެވެ.

ޝީގެ ސިޓީފުޅުގައި ދެ ގައުމުގެ ގުޅުން އިތުރަށް ބަދަހިކުރުމުގެ މުހިންމުކަމަށް އަލިއަޅުއްވާލައްވައި ދެ ގައުމުގެ އިސްތިޖާރީ ގުޅުން އިތުރަށް ހަރުދަނާ ކުރުމަށް ބޭނުންފުޅުވާ ކަމަށް ވިދާޅުވި އެވެ.

Advertisement

ރައީސް މުޢިއްޒު ވަނީ ޗައިނާގެ ރައީސްގެ ސިޓީ ލިބިވަޑައިގަތުމަކީ ލިބިވަޑައިގެންނެވި ވަރަށް ބޮޑު އުފަލެއް ކަމަށް ވިދާޅުވެ ޝުކުރު އަދާކުރައްވާފަ އެވެ. ރައީސް ވަނީ މިއަދު އެމަނިކުފާނާ އެކު އުފަން ދުވަސް ހިއްސާކުރައްވާ ޗައިނާގެ ރައީސަށް ވެސް އުފަންދުވަހުގެ ތަހުނިޔާ ވިދާޅުވެ ސިޓީފުޅެއް ފޮނުއްވާފަ އެވެ.

މި ބައްދަލުވުމުގައި ރައީސް މުއިއްޒާއި ޗައިނާ ސަފީރު ވަނީ ދެ ގައުމުގެ ގުޅުން ކުރިއަށް އޮތް ދުވަސްތަކުގައި އިތުރަށް ވަރުގަދަ ކުރުމަށާއި ދެ ގައުމުގެ މެދުގައި ސޮއިކޮށްފައިވާ އަދި ކުރިއަށް އޮތް ތަނުގައި ސޮއިކުރަން ނިންމާފައިވާ އެއްބަސްވުންތަކާ ގުޅޭ ގޮތުން މަޝްވަރާ ކުރައްވާފަ އެވެ. އަދި ރާއްޖޭގެ އިގުތިސޯދީ ކުރިއެރުމަށް ޗައިނާގެ ފަރާތުން އެއްބާރުލުން ދޭނެ ކަމަށްވެސް ވިދާޅުވި އެވެ.